АН шинэ томилгоо хийж, зарим хүнийг албан тушаалд томилжээ. Тухайлбал, АН-ын хэрэг эрхлэх газрын даргаар Буянаагийн Ган-Очир, Сургалт, судалгааны газрын даргаар А.Батпүрэв нарыг томилжээ. 

АН-ын ХЭГ-ын даргаар томилогдсон Б.Ган-Очир нь МУИС-ийн Хууль зүйн сургуулийг 2008 онд төгсөж сургуульдаа ЭЭЗ-ийн тэнхимд багшилж ажлын гараагаа эхлэсэн Хууль зүйн ухааны докторант аж. Тэрбээр Тэргүүн шадар сайдын зөвлөх, АН-ын Хэвлэл мэдээлэл хариуцсан нарийн бичгийн дарга, Ерөнхий сайдын Улс төрийн бодлогын зөвлөх, Монголын Эдийн засгийн Форумын ЕНБД-ын албыг хашиж байсан юм.

Ардчилсан намын Сургалт, судалгааны газрын даргаар томилогдсон А.Батпүрэв нь  СЭЗДС-ийг Бизнесийн удирдлагын бакалавр, Австрали улсын Сиднейн их сургуулийг Санхүүгийн эдийн засгийн магистр зэрэгтэй суралцаж төгссөн. БНХАУ-ын Олон улсын эдийн засаг, бизнесийн их сургуулийн докторант. Инфорум консалтинг ХХК, Юнител групп, Скайтел групп зэрэг бизнесийн байгууллага болон Гадаад харилцааны яам, Санхүүгийн зохицуулах хороонд ажиллаж байжээ.