Хорин жилийн хугацаанд цөллөгөт байсан, "Талибан" хөдөлгөөний удирдагч Абдель Гани Барадар наймдугаар сарын 17-ны өдөр Катараас Кандагарт ирсэн талаар Дейли мейл мэдээлжээ.
Эх орондоо ирэх болсон түүний зорилго тодорхойгүй. Өмнө нь олон улсын хэвлэлүүд Барадарыг эргэн ирж, улс орныхоо улс төрийн төлөөлөгчидтэй хэлэлцээ хийж магадгүй хэмээн мэдээлж байлаа. Барадар нь талибуудын удирдагч, хээрийн командлагч юм. Тэрбээр 11 жилийн өмнө Пакистаны тагнуулынханд олзлогдож байв.
Эргэн сануулахад, талибууд наймдугаар сарын 15-ны өдөр Кабулыг эзлэн, Афганистанд бүрэн хяналтаа тогтоосон юм. Тэд Ерөнхийлөгчийн ордон дээр далбаагаа мандуулж, наймдугаар сарын 17-ны өдрөөс эхлэн Кабулын нисэх буудлаас хөөрөх бүхий л нислэгийг зогсоосон байна.
Г.Бямбасүрэн
Уншиж байна |