Монголын Боксын холбооны Удирдах зөвлөлөөс ДАШТ-д оролцох тамирчныг тодруулахын тулд Алдар нийгэмлэгийн тамирчин О.Тулга болон Э.Цэндбаатар нарын хооронд халз тулаан явуулахаар шийдвэрлэсэн.

Үүнийг дагуу халз тулаан өнөөдөр буюу аравдугаар сарын 03-нд  Эрдэнэт хотын Сэлэнгэ амралтын баазад болох байсан юм. Дүрмийн дагуу тамирчид өнөөдөр 07.00-08.00 цагийн хооронд эрүүл мэндийн үзлэгт орж, ОУХМ О.Тулга жиндээ  тэнцжээ. Харин МУГТ Э.Цэндбаатар эрүүл мэндийн үзлэгтээ ирээгүй байна. Э.Цэндбаатарын  дасгалжуулагч Б.Энхтайван боксын холбооны ерөнхий нарийн бичгийн дарга руу “Бид хоёр сорилд оролцох боломжгүй боллоо” гэсэн мессежийг өчигдөр явуулсан аж. Ингэснээр О.Тулга Серби улсад зохион байгуулагдах ДАШТ-ий 60 кг жинд Монгол Улсыг төлөөлж оролцохоор боллоо.

М.Насан