Монголын Боксын холбооны Удирдах зөвлөлөөс ДАШТ-д оролцох тамирчныг тодруулахын тулд Алдар нийгэмлэгийн тамирчин О.Тулга болон Э.Цэндбаатар нарын хооронд халз тулаан явуулахаар шийдвэрлэсэн.

Үүнийг дагуу халз тулаан өчигдөр буюу аравдугаар сарын 03-нд  Эрдэнэт хотын Сэлэнгэ амралтын баазад болох байсан юм. Дүрмийн дагуу тамирчид өнөөдөр 07.00-08.00 цагийн хооронд эрүүл мэндийн үзлэгт орж, ОУХМ О.Тулга жиндээ  тэнцжээ. Харин МУГТ Э.Цэндбаатар эрүүл мэндийн үзлэгтээ ирээгүй байна. 

Тэгвэл Э.Цэндбаатар сорил тэмцээний эрүүл мэндийн үзлэгтээ ирээгүй шалтгаанаа тайлбарлаж өөрийн цахим хуудаснаа "60 бол миний үндсэн жин. Жиндээ орох асуудалгүй байлаа. Сөгдөж мөргөж гуйсан тийм дээ ч бэлтгэлээ маш сайн хийсэн. Жиндээ орсон. Гэхдээ бүх зүйл санаснаар болсонгүй. Намайг дэмжсэн бүх хүмүүст баярлалаа" гэсэн тайлбар оруулж, мөн дараах жин дээр зогсож буй бичлэгээ байршуулсан. 

Харин түүний байршуулсан нийтлэлийн сэтгэгдэл хэсэгт Бээжин хотноо зохион байгуулагдсан 2008 оны зуны олимпын наадмын мөнгөн медаль  Монгол Улсын Xөдөлмөрийн бaaтар, гавьяат тамирчин П.Сэрдамба "Дүү одоо наад жүжгээ боль ард түмний тархиар наадаад дууслаа бэлтгэлээ хийгээд жиндээ орох боломж байсан шүү. Саяхан төр мөнгөн шагналаа олгоход орой нь бас л архи уучихсан байсан. Архиа болио, чиний наад архины асуудал чинь дэндлээ. Архи уудаг дээрээ нэг тайлбар хэлээч. Тамирчин хүн зорилготой юун архи вэ жиндээ ороод алаад өгье гээд байсан яасан.  Тамирчид цугларалтад гарсан чамайг гар гэж хэлсэн.  Хамт олонтойгоо  бэлтгэлд гарсан бол архи байхгүй жиндээ гозойгоод л зогсож байх байлаа. Чи энэ ард түмэнд тайлбар хий. Гавьяатынхаа юмыг голоод байгаа юм уу гээд томроод байдаг шигээ олигтойхон тайлбар хий.  Олимп тив дэлхийд очоод болсонгүй дээ гээд өрөөндөө жингээ үзээд зогсож байх уу энэ хүмүүс жин дээр юу болдог талаар ойлголт байхгүй. Худлаа жин дээр зогсоод байж байдаг ичээч дүү, тайлбар хий" гэж бичжээ. 

 

  М.Насан