Америкийн сонгогчдын тал орчим хувь нь Жо Байден оюун ухаанаа бүрэн дайчлан ажиллаж чадахгүй байгаа гэж үзэж байгаа гэнэ. Энэ талаар олон нийтийн судалгаанаас иш татан NBC мэдээлжээ. 

Ирэх жил  80 нас хүрэх Байдены нэр хүнд унаж байгаа нь түүний оюуны чадвар буурч байгаа нь илэрхий харагдах болсонтой холбоотой гэж сонгогчид үзэж байгаа гэнэ. Лхагва гарагт нийтэлсэн судалгаагаар, сонгогчдын 40 хувь нь "Байден эрүүл ухаантай" гэдэгтэй санал нийлсэн бол 48 хувь нь үүнийг хүлээн зөвшөөрөхгүй гэж хариулжээ. 

Өмнө нь Байдены сэтгэцийн эрүүл мэндийн байдлыг бүгд найрамдахчуудын зүгээс удаа дараа шүүмжлэн, дайралт хийдэг байв. Улмаар Байден төрийн тэргүүний албан тушаалд очсоны дараа олон хүн энэ талаар ярих болжээ. Байден захиргааны албан тушаалтнуудынхаа төдийгүй гадаадын өндөр албан тушаалтнуудын нэрийг мартаж, Цагаан ордны гадаа төөрсөн нь илт явж байгааг харуулсан дүрс бичлэгүүд гарснаас хойш сонгогчид түүний сэтгэцийн эрүүл мэндэд санаа зовних болсон байна

Г.Бямбасүрэн