Украины Батлан хамгаалахын сайд Алексей Резников Оросын цэргүүд сайн дураар бууж өгвөл тус бүр таван сая рубль олгоно хэмээн мэдэгдсэн талаар бид өмнө нь мэдээлсэн.
Украин Оросын цэргүүд бууж өгвөл тэдэнд 5 сая рубль өгнө гэв
Харин энэ удаад Украины Чернигов хотын дарга Владислав Атрошенко хотынх нь нутаг дэвсгэр дээр дайсны техник эсвэл амьд хүчийг устгасан хүн бүрт шагнал амалжээ.
Инсайдер дээр гарсан мэдээллээр, тэрбээр иргэдийг зохион байгуулалтад орж, армидаа туслахыг уриалсан байна. Мөн техник устгасан хүмүүст шагнал амалжээ.
Тодруулбал, байлдааны хуягт машин устгавал 150 мянган гривня (shuud.mn: 12,9 сая төгрөг), явган цэргийн байлдааны машин устгавал 200 мянган гривня, танк устгавал 250 мянган гривня харин Оросын цэргийг олзолсон эсвэл хөнөөсөн бол 300 доллар амалсан байна.
Өмнө нь Украины Ровненск мужийн бизнесменүүд орон нутгийн иргэдэд хандан нэг хүн олзолвол 100 доллар, устгавал 50 доллар амалсан гэх мэдээлэл гарч байлаа.
Г.Бямбасүрэн