Оросын гэрээт цэргүүд ихээхэн хохирол амсаж байгаагийн улмаас давшихаас татгалзаж байгааг батлах баримт байгаа гэж Украины Аюулгүй байдлын алба мэдэгджээ. Энэ талаар "Украины үнэн" мэдээлсэн байна.

Аюулгүй байдлын албаны мэдээлснээр, Донецк мужид давшихаас татгалзсан ОХУ-ын гэрээт цэргүүдийг үргэлжлүүлэн тулалдахыг тушаахаар ирсэн тойргийн командлагч, генерал Валерий Солодчукийг цэргүүд арайтай л буудчихаагүй гэнэ. Цэргүүд байлдахаас татгалзаж, өндөр албан тушаалтнуудыг дэлбэлэхээр заналхийлсэн аж. Тиймээс Оросын генерал тэргүүн шугамаас нэн даруй буцсан гэж Украины Аюулгүй байдлын алба мэдээлжээ.

Энд дуулгахад, ОХУ Украин руу халдаж эхэлснээс хойш хэдийнэ 90 хоног өнгөрөөд байна. Энэ хугацаанд ихээхэн хохирол амссан тул Оросын гэрээт цэргүүд Украинаас явах хүсэлтэй байгаа гэж Украины Аюулгүй байдлын алба мэдээлжээ.

Г.Бямбасүрэн