АНУ ойрын үед шуурган галын тийрэлтэт системээс дахин наймыг дагалдах зэр зэвсгийн хамт Украин руу нийлүүлэхээр болжээ. Энэ талаар тоймч Дэвид Игнатиус Вашингтон пост сонины нийтлэлдээ бичсэн байна. 

Нийтлэлчийн өгүүлснээр, Украин АНУ-аас энэ төрлийн дөрвөн систем хүлээн авсан гэнэ. Одоо Америкийн зааварлагчид Украины дайчдыг сургаж байгаа бөгөөд эхний бүлэг долоо хоногийн дараа бүрэн бэлтгэгдэж, улмаар Украин улс энэхүү шуурган галын тийрэлтэт системийг ашиглах боломжтой болох юм байна. 

Энд дуулгахад, АНУ-ын Төрийн нарийн бичгийн дарга Энтони Блинкен зургадугаар сарын нэгний өдөр мэдэгдэл хийхдээ цэргийн тусламжийн шинэ багцын хүрээнд Украин HIMARS шуурган галын тийрэлтэт систем авна хэмээн онцолж байлаа. Ийм пуужингийн хамгийн дээд тусгал нь 500 км байдаг. АНУ HIMARS-ийг Украинд өгөх эсэхээ шийдэж чадалгүй хэсэг хугацааг өнгөрүүлсэн юм. Улмаар Украины талаас энэ пуужингийн системийг гагцхүү батлан хамгаалахын зорилгоор л ашиглана, Оросын нутагт цохилт өгөхгүй гэж амласны эцэст цэргийн шинэ тусламжийн багцдаа энэ пуужинг багтаах шийдвэрийг АНУ гаргасан юм.

Г.Бямбасүрэн