Ардын хувьсгалын 100, 101 жилийн ойн Үндэсний их баяр наадмын хүчит бөхийн барилдааны тод од нь Сэлэнгэ аймгийн шинэ залуу хүчтэн Баярсайханы Орхонбаяр байв. Тэрбээр бөхийн барилдаанд найм даван үзүүрлэж, Улсын арслан цол хүртсэн юм.

Шинэхэн арслангийн мялаалга наадмыг 08 сарын 05-ны өдөр Сэлэнгэ аймгийн төвд зохион байгуулахаар товложээ.

Б.Орхонбаяр 21 насандаа улсын начин болж байсан бол 24 насандаа улсын арслан цолтны эгнээнд нэгдлээ. Домогт бөх Д.Данзан, Г.Эрхэмбаяр нарын залгамж Б.Орхонбаяр Сэлэнгэ нутгаас төрж буй гурав дахь арслан цолтон болж байна.