ОХУ-ын Ерөнхийлөгч Владимир Путин "хэсэгчилсэн дайчилгаа" -г есдүгээр сарын 21-ний өдөр зарлаж, улмаар ОХУ-ын субъектүүдийн эрх баригчдад дайчилгааг явуулахад дэмжлэг үзүүлэхийг үүрэг болгосон юм.
ОХУ-д дайчилгаа зарласны дараа тийзний эрэлт огцом өсөж, орон даяар эсэргүүцлийн жагсаал өрнөв
Энэ тушаалын дагуу Буриадын цэргийн комиссарын газрууд зарлан дуудах, цэргийн бэлтгэл үүрэгтнүүдийн цугларах байр, штабуудыг байгуулж эхэлжээ. "Номер один" сонины мэдээлснээр, Зэвсэгт хүчинд алба хааж байсан, тодорхой мэргэжил, туршлагатай бэлтгэл цэргүүдийг эхний ээлжинд зарлан дуудна гэж Буриадын Засгийн газар мэдэгдсэн байна.
"Хэсэгчилсэн дайчилгаа явуулна. Өөрөөр хэлбэл, одоогоор нөөцөд байгаа, Зэвсэгт хүчний эгнээнд алба хаасан, тодорхой цэрэг бүртгэлийн мэргэжилтэй, зохих туршлагатай хүмүүсийг нэн даруй зарлан дуудна. Цэргийн албанд дуудагдсан хүмүүсийг анги нэгтгэл рүү илгээхээс өмнө нэмэлт цэргийн бэлтгэлд хамруулна" хэмээн Владимир Путин онцолсон юм.
Үүний дагуу бэлтгэл цэргүүдийг зарлан дуудаж эхэлсэн бөгөөд бэлтгэл цэргүүд тэтгэвэр тэтгэмж авна, одоо хугацаат цэргийн алба хааж байгаа болон их дээд сургуулийн оюутнууд дайчлагдахгүй мөн тусгай ажиллагааны бүс рүү явахгүй хэмээн Буриадын Цэргийн комиссар Александпр Трубников мэдэгджээ.
Г.Бямбасүрэн
| Уншиж байна |