Хөшигийн хөндий буюу “Шинэ зуун мод” хотын бүтээн байгуулалтын ажилд 171.3 тэрбум төгрөг зарцуулахаар төлөвлөжээ. Үүнээс 2023 онд 66.9 тэрбум төгрөг, үлдэгдэл нь 2024 онд санхүүжихээр төлөвлөсөн байна. 

Улаанбаатар хотын ачааллыг бууруулах зорилгоор  “Шинэ зуунмод” дагуул хотын хэсэгчилсэн ерөнхий төлөвлөгөө гараад буй. Энэхүү хотод аялал жуулчлал, бизнес, санхүү, худалдаа, үйлчилгээ, хөрөнгө оруулалтын таатай орчныг бүрдүүлж үйлдвэрлэл, инновац болон тээвэр, логистикийн зангилаа бүс байгуулахаар төлөвлөсөн.

Шинэ Зуунмод хотыг 2040 он хүртэл хөгжүүлэх ерөнхий төлөвлөгөө хэрэгжүүлэхэд 3 үе шатаар 17 их наяд төгрөг шаардлагатай байгаа бөгөөд нийт хөрөнгө оруулалтын 21 хувийг улс, нийслэлийн төсвөөс, 39 хувийг хувийн хэвшлээс, 39 хувийг гадаад шууд хөрөнгө оруулалтаар хэрэгжүүлэхээр төлөвлөөд байгаа юм.