БНХАУ-ын эрх баригчид тэг ковид бодлогоо үргэлжлүүлж, коронавирусийн халдвар илэрсэн даруйд хатуу хөл хорио тогтоон, хөдөлгөөн хязгаарлаж, бүх нийтийг шинжилгээнд хамруулсан хэвээр байгаа юм. Гэсэн ч сүүлийн үед Хятадад оршин суугчдын бухимдал эсэргүүцлээр илэрч, эмх замбараагүй байдал үүсэх болсон.
Иргэд ийнхүү бухимдаж, эсэргүүцэл дэгдээж байгаа тул Хятадын эрх баригчид ирэх дөрөвдүгээр сараас өмнө буюу товлосон хугацаанаасаа наана тэг ковид бодлогоо зогсоож магадгүй гэж дэлхийн томоохон хөрөнгө оруулалтын банк болох Goldman Sachs Group-ийн шинжээчид үзэж байгаа аж.
Эдийн засагч Хуэй Шанийн таамаглаж байгаагаар, 2023 оны хоёрдугаар улирлаас өмнө Хятад бүх хязгаарлалтаасаа татгалзах магадлал 30 хувьтай байгаа гэнэ. Харин Голдман банк ирэх оны хоёрдугаар улиралд бүх хязгаарлалтыг цуцална гэдэгт 60 хувь итгэлтэй байгаа гэнэ. Харин бусад шинжээчдийн үзэж байгаагаар хязгаарлалтд бухимдсан иргэд эрх баригчдад дарамт шахалт үзүүлэх нь улам нэмэгдэх аж.
Энд дуулгахад, 11 дүгээр сард Хятадад халдварын нөхцөл байдал дахин муудаж, зарим бүс нутгуудад коронавирусийн дотоодын дэгдэлтүүд нэмэгдэх болсон юм. Цар тахалтай тэмцэхийн тулд хатуу хөл хорио тавьж, бүх нийтийг шинжилгээнд хамруулж байгаа. Үүнийг эсэргүүцсэн олон нийт өнгөрсөн долоо хоногоос эхлэн эсэргүүцэл илэрхийлэн, уриа лоозон барьж жагсан, үймээн дэгдээх болсон байна.
ВИДЕО: Хятадууд тэг ковид бодлогыг эсэргүүцэж, Ши Жинпинийг огцрохыг шаардав
Олон улсын хэвлэлүүдийн мэдээлснээр, Хятадад ковидтой тэмцэх засгийн газрын арга хэмжээг эсэргүүцэх нь улам нэмэгдэж, эсэргүүцэгчид улс төрийн шинжтэй, засгийн газрын эсрэг уриа лоозон барин жагсах болжээ. Өнгөрсөн амралтын өдөр Шанхай хотын гудамжинд олон мянган хүн цуглан эсэргүүцлээ илэрхийлсэн бол Бээжин, Нанкин хот дахь их сургуулиудад оюутнууд жагсаал зохион байгуулсан байна. ҮРГЭЛЖЛҮҮЛЭН УНШИХ...
Г.Бямбасүрэн
Уншиж байна |