УИХ дахь АН-ын бүлгийн өнөөдрийн хуралдааны талаар мэдээлэл хийлээ. УИХ-ын гишүүн О.Цогтгэрэл “Эрх баригчид асуудлыг гаргаж ирсэн гэж удаа дараа ярьж байна. Тэгвэл ил гаргасан гэрээнүүд яагаад 2022 онд хийгдсэн юм бэ. ҮАБЗ, Засгийн газар, УИХ, сайд нар бүгд байна. Одоо яагаад шударга дүрд тоглож, иргэдийн тархийг угаагаад байгаа юм бэ” гэсэн асуултад хариулт хайж байна. 

Мөн тэрбээр МАН дотоод "зодоон"-оо Монголын зовлон болгож байгааг хэллээ.

УИХ-ын гишүүн С.Одонтуяа “Сүүлийн хоёр парламентад МАН дангаараа 62-65 суудалтай олонх байгаа. Бүх хариуцлагыг МАН дангаараа хүлээх ёстой. Хариуцлагаас мултах янз бүрийн арга сүвэгчлэхийг бид хүлээж авахгүй. Сүүлийн үед тогтолцооны өөрчлөлтөөр халхавчилж байна.

Бид тогтолцоо өөрчлөхийг дэмжинэ. Гэхдээ нүүрсний хулгай тогтолцоотой шууд холбоотой асуудал биш. МАН-д бүх эрх мэдэл байхад асуудлыг ийм хэмжээнд даамжируулсан нь эрх баригчдын хариуцлагын асуудал.

Гадаа цугласан иргэдийн ердөө 15 хувь нүүрсний хулгайд бухимдаж байгаа. Бусад 85 хувь нь амьдрал хэцүү байгаад бухимдаж байна. МАН өөрсдөө шүгэл үлээсэн, шударга мэт харагдаж байна. Тийм биш. Анх нүүрсний хулгай то хэмжээнд хүрснийг олон улсын байгууллага гаргасан” гэсэн  байр суурийг илэрхийллээ.

Мөн тэрбээр жагсагчдад СТӨ-г онгойлгож, дулаацах  боломжийг хангаж өгөх ёстойг хэлж байна.