Оросын цэргүүд "тусгай ажиллагааны бүс дэх нөхцөл байдлыг бүрэн хянаж байгаа, украинчуудын хувьд хамгийн хүнд үе ирсэн" гэж Чеченийн тэргүүн Рамзан Кадыров мэдэгджээ. 

"Украины үндсэрхэг үзэлтнүүдийн хувьд хамгийн хүнд үе ирсэн. Фронтын шугам бүхэлдээ хөдөлгөөнд орсон. Энэ хөдөлгөөн Киевийн дэглэмд ашигтайгаар эргэхгүй" хэмээн Кадыров Телеграм сувагтаа бичжээ.

Түүнчлэн Оросын цэргүүд Украины Зэвсэгт хүчнийхнийг бодвол илүү ашигтай байршилд байгаа хэмээн тэрбээр онцолсон байна. Ингэснээр "Украины үндсэрхэг үзлийг устгах тусгай ажиллагааны гол зорилгоо цаашид биелүүлж, дайсныг фронтын шугамаас ухраана" хэмээн Кадыров мэдэгджээ.

Г.Бямбасүрэн