АНУ-д төрийн албан тушаалтнуудад авлига өгсөн хэрэгт буруутгагдан Хятадын тэрбумтан баривчлагджээ. Энэ талаар South China Morning Post сонин мэдээлсэн байна. 

Эх сурвалжийн мэдээлснээр, АНУ-д эрэн сурвалжлагдаж байсан, Guangzhou R&F Properties компанийн үүсгэн байгуулагчдын нэг Жан Ли-г 11 дүгээр сарын 30-ны өдөр Лондон хотноо баривчилжээ. Түүнийг АНУ руу шилжүүлэн өгөх бөгөөд харин бизнесмен ийм шийдвэрийг давж заалдах төлөвлөгөөтэй байгаа гэнэ. 

Шүүхийн тогтоолд зааснаар, Жан Калифорнид барилга барих зөвшөөрөл авахын тулд албан тушаалтанд авлига өгчээ. Түүнийг компани нь төсөл хэрэгжүүлж байсан Сан-Франциско хотын нэгэн албан тушаалтныг Хятадад ирэхэд нь оройн хоолоор дайлж, амьдрах зардлыг нь хариуцаж байсныхаа төлөө авлига авсанд буруутгаж байгаа гэж өмгөөлөгч нь өгүүлсэн байна. 

Өдгөө 69 настай Жаныг шүүхээс урьд хожид бүртэгдэж байгаагүй асар өндөр барьцаа болох 15 сая фунт стерлингийн барьцаатайгаар суллажээ. Ингэснээр тэрбээр Лондон хот дахь байрандаа аюулгүй албаныхны хяналтан дор гэрээс гаралгүй байх ёстой болсон гэнэ. Түүнчлэн Жаныг интернет ашиглахыг хоригложээ.

Г.Бямбасүрэн