УИХ-ын өнөөдрийн чуулганы хуралдааны эхэнд гишүүд нүүрсний хулгайч нарыг зарлах үйл явцад шүүмжлэлтэй хандаж байгаагаа илэрхийлж байр сууриа илэрхийлж байна. 

Тухайлбал, УИХ-ын гишүүн Н.Алтанхуяг "Гадаа -30 градус дотор -40 градус. Муухай цэвдэг. Танайд хуучин МАНАН гэж хулгай нар, манайд бас МАНАН гэж хулгайж нар байсан. Хулгайч нарын олонх нь танайд үлдсэн байна. Тэд хажуудаа сууж байгаа хүмүүсийг хутга шааж гаргаад хоёр намын тэмцэл, улстөрийн хэрүүл болгодог. Дундаас нь хулгайч нар хожиж ирсэн. Ард түмэн итгэл алдарч байна. Жинхэнэ ордоор нь гадаадад зарчихсан, олуулаа бүлэглээд идчихсэн хулгайч нараа зарлах юм байх гэсэн чинь энэ тав. Энэ тавыг бол би мэдэхгүй. Би ч бас зарлагдаж л явсан. Шударга бай л даа. Хэдэн хүнээр туг тахиад жинхэн хулгайч нараа хамгаалаад байж болохгүй. Үлдсэн оффтейк гэрээг ил болго. Би мэдээлэлгүй болохоор ярьж чадахгүй байна. Яагаад гэхээр гэрээгээ нуучихаад таавар таалгаад байна. Хуулийн байгууллагынхны хүч хүрэхгүй байна. Манай хэдэн эмэгтэйчүүдийг л дүүжлээд байх юм. Шинэ гишүүдээ гарзанд гаргаад байна.

МАН-ын даргад хандах Зэсийн хулгайн талаарх хүсэлт байна. Би нэг тогтоолын төсөл өргөн барьснаас болоод алуулж байна. Монголын ганцхан гэр бүл жилдээ 100 сая ам.доллар идэж байна. Үүнийг Эрдэнэтийн ард иргэд, бүтээн байгуулалтад өгье гэхээр МАН "МАЙ" гэж шийдвэр гаргасан байна лээ. Л.Оюун-Эрдэнэ Ерөнхий сайд аа, таны гарт Монголын хувь заяа байгаа. Надаас ялгаатай нь та , АТГ-ын удирдлагыг томилдог болсон. Танд хүчээ зангидвал олон хүн байна" гэлээ. 

П.ГОО