Мягмар гарагт Аргентины баг аваргын цомын хамт эх орондоо эргэн ирж, Аргентин даяар бүх нийтээрээ амарч, багийнхаа ялалтыг тэмдэглэсэн. Зөвхөн ДАШТ-ий аваргуудын эх орон төдийгүй бусад орнууд ч багийнхныгаа баярлан угтжээ. 

Францын баг финалд ялагдсан хэдий ч тэднийг угтахаар олон мянган хүн Парист цуглан баяр хүргэсэн байна. Хөгжөөн дэмжигчдийн өмнө багийн ахлагч болон дасгалжуулагч Дидье Дешам нар гарч иржээ. 

Харин Хорватад үндэсний шигшээ багаа дэмжихээр ёслолын парад зохион байгуулжээ. Хорватын баг ДАШТ-ээс хүрэл медаль хүртсэн юм. 

Хэдийгээр медальгүй буцсан ч Мароккогийн багийг нутаг нэгтнүүд нь талархан хүлээн авсан байна. Учир нь энэ улсын баг ДАШТ-ий хагас шигшээ хүртэл явсан Африкийн анхны баг болсон юм. 

Г.Бямбасүрэн