Монгол Улсын Ерөнхийлөгч Ц.Элбэгдорж Өмнөговь аймагт ажиллаад ирсэн билээ. Тэрбээр тус аймагт ажиллахдаа Хүрмэн сумын малчин Г.Бүгдийнхээр орж өвөлжилттэй нь танилцсан байна. Энэ үеэр Хүрмэн сумын удирдлага хүрэлцэн ирж, ажил байдлаа танилцуулахын зэрэгцээ Ерөнхийлөгчийг сумынхаа хүндэт иргэнээр өргөмжилсөн байна. Өргөмжлөлд “Монгол Улсын төрийг төвхнүүлэх, эх орныхоо хил хязгаар, тусгаар тогтнол, бүрэн эрхт байдлыг бататгах, олон улсын энх тайванч хамтын ажиллагааг бэхжүүлэх, ард түмнийхээ амгалан тайван байдлын төлөө төрсөн бие, холч ухаанаараа зорьсон их үйл хэрэгтээ гарамгай гавьяа байгуулж байгаа явдалд хөдөө нутгийн ард түмэн бид туйлын баяртай байдгаа илэрхийлж, сумынхаа “ХҮНДЭТ ИРГЭН”-ээр өргөмжлөн алдаршуулав” хэмээжээ.