Сүхбаатар дүүргийн 17 дугаар хорооны нутаг дэвсгэрт “Хүн нас барсан байна” гэх дуудлага, мэдээлэл 2023 оны 04 дүгээр сарын 15-ны өдрийн 19.52 цагт цагдаагийн байгууллагад иржээ. 

Тус дүүргийн цагдаагийн газрын Хоёрдугаар хэлтсээс шалгалтын ажиллагаа явуулж 20 настай, эрэгтэй “Б” нь согтуурсан үедээ 35 настай, эрэгтэй “Э”-ийг зодож, амь насыг нь хохироосон үйлдэлд мөрдөн шалгах ажиллагаа явуулж байна.

Мөн энэ сарын 16-ны өдрийн 12.06 цагт Сонгинохайрхан дүүрэгт 48 настай, эмэгтэй “Т” согтуурсан үедээ 39 настай, эрэгтэй “Т”-ийг хутгалж, гэмтээсэн хэрэг гарчээ. Уг хэрэгт тус дүүргийн цагдаагийн газраас мөрдөн шалгах ажиллагаа явуулж байна.