Япон улсын засгийн газар цар тахлын улмаас гурван жил зүүсэн амны хаалтаа тайлснаас хойш тус улсын иргэд "инээмсэглэх урлагийн хичээл" бий болгож, улсдаа төдийгүй олон улсад сайн жишээ түгээж байна. 

Кавано Кейко гэх багш 2017 оноос инээмсэглэх урлагийн хичээлийг хүмүүст зааж эхэлсэн бөгөөд энэхүү мэргэжлийн хичээл нь сүүлийн саруудад асар их эрэлттэй байгаа талаар “Daily Guardian” мэдээлэв. 

Япончууд цар тахлаас өмнө ч харшил, агаарын бохирдол зэргээс хамгаалах үүднээс олон жил амны хаалт зүүсээр иржээ. Сүүлийн зургаан жилийн хугацаанд томоохон корпорацийн ажилтнаас эхлээд асрамжийн газрын настнууд хүртэл 4000 гаруй хүнд инээмсэглэх урлагийн хичээлээ заасан байжээ. 

Энэхүү хичээл бий болсноор "Хүмүүс хацар, амны булчингаа сайн ашиглаж чаддаггүй байснаа анзаарч эхэлсэн. Мөн цар тахлын үүднээс хөдөлгөөний дутагдалд орсон байсан учраас арьсны унжилтын асуудал их тулгараад байсан байна.

Инээмсэглэлийг судалдаг шинж-лэх ухааныг “Житоложи” гэдэг. Энэ нь инээмсэглэлийн сэтгэлзүй болоод бие махбодод үзүүлэх харилцан нөлөөллийг судалдаг байна. Инээмсэглэх үед хүний нүүрний дээд уруулыг өргөгч булчин, хацрын том жижиг булчин зэрэг нүүрний олон булчингуудыг өргөж тэнийлгэдэг бол сэтгэлдээ таагүй мэдрэмж бий болгох үед хүзүүний шар мах болон уруул буулгагч булчингууд амны өнцөг болон доод уруулыг доош татаж, эрүүний арьсыг үрчийлгэн царайг барайлгадаг.  Тиймээс инээмсэглэл нь сайхан харагдахын нууц гэж хэлж болно.

Энэ бүх асуудлыг Инээмсэглэх урлагийн хичээлээр засаж, амьдралынхаа салшгүй нэг хэсэг болгосон" хэмээн онцоллоо.