Говьсүмбэр аймгийн Засаг дарга Ж.Баянмөнхийг АТГ-аас өнгөрсөн сарын дундуур саатуулж, цагдан хориод байгаа билээ.
Түүнийг албан тушаал, эрх мэдлээ урвуулан ашигласан гэх хэрэгт сэжиглэн, ШШГЕГ-ын харъяа хорих 461 дүгээр ангид саатуулаад байгаа юм. Түүнийг цагдан хорих хугацааг прокурорын зүгээс дахин 30 хоног сунгаад байгаа ажээ.
Эх сурвалжийн мэдээлж байгаагаар Шивээговь сум дахь орон нутгийн өмчит “Илчлэг шивээ” үйлдвэрийн газрыг өөрийн дотнын найздаа хувьчлахын тулд өмч хувьчлалын комисс болон доод тушаалтнууддаа хууль бус шаардлага тавьж, дарамталсан гэх үндэслэлээр буруутгаж байгаа аж.