Шведийн Хүүхдийн эрхийг хамгаалах байгууллагаас Монгол Улсын Гадаад харилцааны яам, Хүүхдийн төлөө үндэсний төвд хандан нэгэн албан бичиг иржээ.
Уг бичигт тус улсад долоон Монгол хүүхэд гудамжинд гуйлга гуйн амьдарч байна. Насанд хүрээгүй эдгээр хүүхдүүдийг Монголын талд буцааж өгвөл насанд хүртэл нь асран хамгаалж чадах уу. Үгүй бол хүүхдийн эрхийг хамгаалах Шведийн байгууллагад хүлээлгэн өгнө гэжээ.
Хүүхдийн төлөө үндэсний төвийнхөн уг албан бичгийн хариуд Монголын тал хүүхдүүдийг хүлээн авахад бэлэн. Манайд хүүхдийн эрхийг хамгаалдаг, асран хамгаалдаг байгууллага бий гэсэн хариуг өгчээ. Одоогоор Шведийн талаас хариу ирээгүй байгаа аж.