Үнийн өсөлтийн ажлын хэсгийн мэдээлэл бас л хойшиллоо
2012-02-08

Зээлийн батлан даалтын сангийн тухай хууль, уг хуулийг дагалдан гарах хуулиудын төслийн эцсийн хэлэлцүүлгийг хийн намрын чуулганы нэгдсэн хуралдаанаар батлуулах шаардлагатай гэж Эдийн засгийн байнгын хорооны гишүүд үзсэн байна. Тиймээс өчигдөр уг хуулийн төслийн эцсийн хэлэлцүүлгийг хийжээ. Дараа нь “Тавантолгойн нүүрсний ордыг ашиглах зарим асуудлын тухай” Улсын Их Хурлын 39 дүгээр тогтоолд нэмэлт, өөрчлөлт оруулах тухай тогтоолын төслүүдийн анхны хэлэлцүүлгийг хийхээр төлөвлөсөн байлаа. Гэвч энэ асуудлыгАН-ын бүлгээс байгуулсан ажлын хэсэг хэлэлцэн нэгдсэн санал дүгнэлтэд хүрээгүй байгаа учир хэлэлцэхийг хойшлуулж өгнө үү гэсэн хүсэлтийг УИХ-ын гишүүн Б.Батбаяр гаргасныг Байнгын хороо хүлээн авлаа. Валютын ханш, бензин шатахууны үнийн өсөлтийн шалтгааныг судалж, цаашид авах арга хэмжээний талаар санал, дүгнэлт боловсруулах үүрэг бүхий Ажлын хэсгийн санал, дүгнэлтийг сонсох мөн хуралдаанаар сонсох байсан ч энэ удаад мөн хойшиллоо. Мэргэжлийн байгууллагынхныг оролцуулсан ажлын хэсэг санал дүгнэлтээ гаргасан ч ажлын хэсэгт багтсан МАН-ын бүлгийн гишүүд саналаа нэгтгэн гарын үсгээ зураагүй байгаа учир энэ удаад хэлэлцэх боломжгүй боллоо хэмээн Ажлын хэсгийн ахлагч, УИХ-ын гишүүн Д.Ганхуяг хэллээ. Тэрбээр, ам.долларын үнэ өссөн нь үнэн, шатахууны үнэ өссөн нь үнэн. Үүнээс болоод өрхийн амжиргааны зардал 20 хувь нэмэгдчихээд байгаа нь бас үнэн. Бид хариуцлага тооцох биш, цаашид авах арга хэмжээний тухай ярилцах нь гол асуудал. Ийм үнийн хөөрөгдлийн дахин гаргуулахгүй байх шаардлагатай байна хэмээн хэлсэн. Ямартай ч ажлын хэсгийн гаргасан санал дүгнэлтийг ажлын хэсэгт багтсан бүх гишүүдэд хүргүүлээд байгаагаа тэрбээр дуулгасан юм.
Shuud.mn
Сонин хачин
unen:
Yasan uneniig helj chadahgui bna uu tertei tergui irgeded unen baigaa zuiliig yah ve ta nar . Araich dee ardchilal iim bolchih gej
2013-06-16