Хүний эрхийн хуульч Б.Ичинноров сүүлийн үед монголд газар аваад байгаа хүүхдийн эсрэг хүчирхийллийг сөрж зогсохоор шийдсэн байна. Хилс хэрэгт буруутгагдан долоон удаа цаазын ял сонсоод байсан н.Эрдэнэ-Очирт дахин амьдрал хайрласан хүний эрхийн хуульч ийнхүү хүүхдийн төлөө тухайлан тэмцэж эхэллээ.
Б.Ичинноровын хөтлөн явуулдаг “Үнэ цэнэтэй яриа” нэвтрүүлэг долоо хоног бүрийн бямба гарагт 21.30 минутаас TV-8 телевизиэр гарах бөгөөд хайр, хүний амьдралын утга учирын тухай өгүүлсэн “Үнэ цэнэ” номоосоо сэдэвлэн хүүхэд бол амьдралын утга учир, хайранд умбах ёстой гэдгийг илэрхийлж ийн нэрийдсэн гэнэ.
Нэвтрүүлгийн анхны дугаарт есөн хүний амь нас сүйдсэн аймшигт хэргийг хөндсөн байна. Энэ хэргийн улмаас насанд хүрээгүй дөрвөн хүүхэд амиа алдсан юм. Хэргийн талаар урьд өмнө нь гарч байгаагүй баримт сэлтийг хохирогчийн дүү Дэлгэрмаа анх удаа олны өмнө гарган тавьжээ. Харин дараагийн дугаартаа хорт хавдраар шаналж буй хүүхдүүдийн асуудлыг хөндөн тавьж, холбогдох хүмүүсээс тодруулга авсан гэнэ. Монголд хүүхдийн эрүүл мэндийн асуудал ямархан хэмжээнд байгааг та бүхэн бямба гарагийн 21.30 минутаас TV-8 телевизээр хүлээн авч үзэх боломжтой юм.