Нийслэлийн Яаралтай түргэн тусламжийн төвд одоогийн байдлаар иргэдээс 200 орчим дуудлага ирсэн бөгөөд 21 эмч, жолоочийн хамт иргэдэд үйлчилж байгаа аж. Иргэд ихэвчлэн зүрх өвдөж, даралт ихэссэн гэх шалтгаанаар ЯТТ-ийн 103 утсанд ханджээ.
Мөн энэ өдрүүдэд ханиад томуу хүндэрсэн, ходоод гэдэсний архаг өвчин сэдэрсэн гэх дуудлагууд нилээдгүй ирсэн байна. Баярын өдрүүдэд дүүргүүдийн Эрүүл мэндийн нэгдлийн дотор, шүд гэмтлийн тасгууд, Өрхийн эмнэлгүүд ажиллаж байгаа тул иргэдийг харъяаллын дагуу очиж үзүүлэх боломжтой. Учир нь иргэдээс ирсэн дуудлагаас гадна осол аваар гэмтлийн дуудлага ихтэй байгаа тул ачаалал нэмэгдүүлж байна гэдгийг Яаралтай түргэн тусламжийн төвөөс санууллаа.
Дашрамд дуулгахад, Шинийн 1-нд 500 гаруй дуудлага ирсэн бол өчигдөр буюу Шинийн 2-нд 700 гаруй дуудлага ирж, дээрх дуудлагуудад 27 эмч, жолооч үйлчилсэн байна.
Н.Дэлгэр