Монголчууд хаврын тэргүүн сартайгаа золгосны баяраа тэмдэглэж энэ өдрүүдэд сайн сайхан зүйлийг л ярьдаг. Билгэдэлтэй, сайхан ярианы эхлэлийг Засгийн газрын сүүлийн хуралдаанаар тавьсан. Энэ нь бага дунд орлоготой иргэдийг орон сууцжуулах хөнгөлөлттэй, урт хугацаатай зээлийг баталгаажуулсан юм.
Жилийн 6 хувийн хүүтэй зээлийн сураг 2008 оны сонгуулийн жилд яригдаж эхэлсэн ч энэ сар л нэг юм баталгаажсан. Дараагийн сайхан мэдээ нь энэ ажлыг нэн даруй хэрэгжүүлж зургаан хувийн хүүтэй зээлийг ирэх дөрөвдүгээр сараас олгох юм байна.
Харин үүнийг сүүдэр мэт дагалдах муу мэдээ нь байрны квадрат метрийн үнэ хаданд гарчээ. Жилийн өмнө нэг квадрат метр нь 800 мянгаас 1 сая орчим төгрөг байсан бол одоо 1.25-2.5 сая төгрөг болтлоо өсчээ. Зээлийн хүүгийн хэмжээ буурч байгаа ч байрны үнэ ханш өсөөд байхаар бага, дунд орлоготой айлууд орон сууцтай болох мөрөөдөл сэрүүн зүүд болж байна. Өөрөөр хэлбэл хүүгийн бууралт ханшийн зөрүүгээ нөхөж хүрэхгүй болж байгаад байгаа юм.
Хамгийн сүүлийн судалгаанас харахад шинээр ашиглалтад орж байгаа орон сууцны нэг метр кв-ын үнэ хоёр саяас дээш гарчихаад байгаа. Байршил, газраа өндөр ханшаар худалдаж аваагүй зэрэг шалтгаанаар зарим орон сууцны ханш арай бага байна. Энэд хамгийн хямд орон сууцны үнийг сонирхуулъя.
-БЗД-ийн 6-р хороо Бөхийн өргөөний баруун урд талд байрлах орон сууц, оффис, үйлчилгээний “Эрхэт цогцолбор” захиалга авч байна. 2012 оны 2-р улиралд ашиглалтанд орно.
1 квадрат метр нь 1сая 550 мянган төгрөг. Тэгэхээр энэ ханшаар 50 м2 орон сууц авлаа гэхэд 77 сая 500 мянган төгрөг төлөх хэрэгтэй болж байна. Энэ нь бага дунд орлоготой иргэдэд хүнд тусах нь ойлгомжтой.
-СБД-т 72 айлын орон сууц барьж байна 1-2 давхартаа үйлчилгээний төвтэй нэгдсэн дулаан авто зогсоолтой байр.1 метр квадрат нь 1200 ам.доллар.
-БЗД 13-р хороо "Эрдэм цогцолбор" 192 айлын орон сууцанд захиалга авч байна. 2012 оны 3 сард ашиглалтанд орно.1 метр квадрат нь 1 сая 400 мянга
-БГД 1-р хороо Хос- Өргөө 2 хотхон 380 айлын орон сууцанд захиалга авч байна. 2012 оны 3-р улиралд А блок 2012 оны 4-р улиралд В блок 2013 оны 1- р улиралд С блок тус тус ашиглалтанд орно.
1 квадрат метр нь 1.250-1.550 мянган төгрөг гэх мэтчилэн ханштай байна. Байр худалдаж авах гэж үнэ судалж, хөөцөлдөж байгаа хүмүүсийн хэлж буйгаар жилийн 6 хувийн зээл олгох шийдвэр гарсан даруй ханшийн өсөлт илүүтэй мэдрэгдэх болсон. Үнийн өсөлтийг төрөөс бодлоготойгоор хазаарлахгүй бол 6 хувийн хүү ханшийг зургаа дахин өсгөсөн хэрэг болоод байгаа гэх. Харин мэргэжлийн байгууллагынхан байрны ханш өсөх болсон шалтгааныг судалж гаргажээ.
2009-2011 онд Засгийн газраас зөвхөн орон сууцны эрэлтийг дэмжсэн бодлого хэрэгжүүлж 4000 Төрийн албан хаагчийн орон сууц” хөтөлбөрийг хэрэгжүүлсэн, 1800 ахмадуудад байр өгсөн. Гэхдээ нийлүүлэлтийг нэмэгдүүлэх тал дээр ямар ч үйл ажиллагаа явуулаагүй.
2011 онд барилгын материалын үнэ 20 хувь, газрын үнэ 30-40 хувиар нэмэгдсэн байна. Оюутолгой болон томоохон бизнесийн байгууллагууд ажилчдаа орон сууцны урт хугацаатай бага хүүтэй зээлэнд хамруулсан.
Мөн зохиомол эрэлтийг бий болгосон. 2011 оны 3, 4-р улиралд хэвлэл мэдээллээр юмны үнэ өснө гэсэн мэдээлэл ихээр цацагдаж, иргэдийн дунд орон сууцны үнэ өснө, төгрөгийн ханш унана гэсэн яриа түгж, орон сууц худалдан авах эрэлтийг маш ихээр нэмэгдүүлсэн. Үүний улмаас иргэд орон сууцыг олноор, бөөнөөр худалдан авсан. 50, 60 орон сууц худалдан авсан хүн байгаа аж.
Хамгийн гол нь ченжүүд үнэ хөөрөгдөхөд нөлөөлсөн. Үл хөдлөх хөрөнгийн зах зээл нь ямар нэгэн эрх зүйн зохицуулалтгүй, замбараагүй, хяналтгүй байна. Үл хөдлөх хөрөнгийн салбарын нэгдсэн бодлого, судалгаа, мэдээлэл байхгүй байна.
Судалгаагаар байнга идэвхтэй үйл ажиллагаа явуулдаг 800 орчим байрны ченжүүд байна. Дээр нь хашаа байшингийн ченж, газрын ченж гээд тоочих юм бол нилээд тоо гарах байх. Олон байртай, үл хөдлөх хөрөнгөө түрээслэн амьдардаг маш олон иргэд байна. Зарын 1 сонины дугаарт 5-6 нүүр битүү 600-700 барилга, орон сууцны түрээсийн зар байна.
Үл хөдлөх хөрөнгийн зах зээл дээр ямар ч улсад ямар ч бүртгэлгүй, татвар төлдөггүй хэдэн арван мянган ченжүүд, түрээслэгчид байгаа орон сууцны ханш өсөхөд нөлөөлсөн гэж байна.
Өнөөдөр ч хуучин байрны ханш шинэ байрнаас дутахгүй өндөр байгаа нь орон сууцтай болох иргэдийн мөрөөдлийг мохоох нь.
Дүүрэг
|
Хороолол
|
1 өрөө
|
2 өрөө
|
3 өрөө
|
БГД
|
3-р хороолол |
55 |
78 |
100 |
4-р хороолол |
57.5 |
82 |
110 |
10-р хороолол |
45.5 |
80 |
95 |
Төмөр зам |
50 |
73 |
92 |
6-р бичил хороолол |
55 |
75 |
92 |
СХД
|
1-р хороолол |
58 |
80 |
90 |
21-р хороолол |
50 |
60 |
70 |
5-н шар |
40 |
60 |
63 |
ХМК |
35 |
45 |
50 |
БЗД
|
15-р хороолол |
48 |
71 |
102 |
13-р хороолол |
45 |
85 |
105 |
16-р хороолол |
50 |
68 |
92 |
12-р хороолол |
48 |
82 |
110 |
ХУД
|
19-р хороолол |
48 |
70 |
85 |
120-н мянгат |
47 |
65 |
80 |
ЧД
|
Бага тойрог |
57 |
70 |
98 |
40-н мянгат |
52 |
- |
95 |
6-р хороолол |
57 |
80 |
90 |
СБД
|
11-хороолол |
56 |
68 |
115 |
7-р хороолол |
52 |
81 |
120 |
5-р хороолол |
52 |
84 |
100 |
220-н мянгат |
53 |
85 |
96 |
50-н мянгат |
55 |
85 |
95 |