Сар шинийн баярын дараах долоо хоногт хүнсний зах, дэлгүүрээр талх ховордсон байсан бол өчигдрөөс зүсмэл талхнууд худалдаанд гарсан боловч   50-100 төгрөгөөр  нэмэгдсэн өртөгөөр зарагдаж байна.

Тухайлбал 550 төгрөгийн үнэтэй зүсмэл хар талх   650, 850 төгрөгөөр зарагдаж байсан зүсмэл талх   950 төгрөгөөр тус тус худалдаалагдаж байна. Талхны үнэ нэмэгдсэн үндэслэлийг худалдагч нар үйлдвэрээсээ нэмэгдсэн өртөгөөр ирсэн гэсэн тайлбар өгч байна.

Харин “Талх чихэр”, “Атар өргөө” компанийн дугай талх одоогоор худалдаанд хараахан гараагүй байна. Тус компаниас цахилгааны үнэ нэмэгдсэнтэй холбоотой  дугуй талхныхаа үнийг өнгөрөгч жил  20 төгрөгөөр нэмсэн  юм.

Түүнчлэн “Бөмбөгөр худалдааны төв”-д үхрийн татсан мах килограмм нь 6500 төгрөг, бага адууны шинэ, цул мах 5000 төгрөг, татсан бол 4800, ямааны цул мах 5500 төгрөгийн ханштай байсан бол  1000-1800 төгрөгөөр нэмэгдсэн байна.

 “Хүчит шонхор” захад өнөөдрийн байдлаар хонины мах гулуузаараа 4300 төгрөг, цул бол 4900 төгрөг, ямааны шулсан мах 5300 харин гулуузаараа 3800 төгрөгийн үнэтэй байна.

Н.Бүжин