2008 оны долдугаар сарын 1-ний хэрэгт буруутгагдаж байгаа цагдаагийн удирдлагуудад холбогдох шүүх хурал яг одоо Сүхбаатар дүүргийн шүүхэд эхлэх гэж байна.
Дөнгөж сая шүүхийн танхимд Цагдаагийн ерөнхий газрын даргын үүрэг гүйцэтгэгч асан, хошууч генерал Ч.Амарболд, Эргүүл хамгаалалтын газрын дарга асан, цагдаагийн хурандаа Ш.Батсүх, Нийслэлийн цагдаагийн газрын дарга асан, цагдаагийн хурандаа О.Зоригт, тус газрын Хэв журмын хэлтсийн дарга асан, цагдаагийн дэд хурандаа Г.Ганбаатар нараас дөрөв нь ирсэн хэмээн эх сурвалж мэдээллээ.
Одоогоор нэг шүүгдэгч, өмгөөлөгчийн хамт ирээгүй байгаа гэв. Уг шүүх хурлыг эсэргүүцэн цагдаагийн ар гэрийнхэн болох 60 гаруй хүн “Цагдаа буруугүй” гэсэн агуулга бүхий бичиг барин шүүхийн өмнө жагсаж байна.
С.Жигүүр