Английн “Манчестер Сити” довтлогч Карлос Тевесийг гэрээгээ зөрчсөн хэмээн үзэж, 1.5 сая ам.долларын торгууль ногдуулж магадгүй тухай The Independent мэдээлжээ. Тевес Аваргуудын лигийн хэсгийн хоёр дахь тоглолтод Германы “Байерн”-ийн эсрэг сэлгээгээр талбайд гарахаас татгалзсан нь томоохон зөрчилдөөн үүсгээд байгаа билээ.
1.5 сая ам.доллар гэдэг нь Карлос Тевесийн зургаан долоо хоногийн цалин юм. Өөрөөр хэлбэл, “Манчестер Сити” түүнийг зургаан долоо хоногийн цалингаар торгоод, багтайгаа хамт бэлтгэл хийхийг зөвшөөрөхөөр болсон бололтой. Зарим хэвлэлд гарсан мэдээллээс үзвэл Тевес маргаашаас багийнхаа бэлтгэлд нэгдэх юм байна.
Харин “Дахиж Тевесийг багтаа тоглуулахгүй” гэж мэдэгдсэн Роберто Манчини энэ нөхцөлд хэрхэн хандах нь сонирхолтой татаж эхэлжээ.
Р.Гэгээ