Монголын Мянганы сорилтын сангийн Хөрөнгийн эрхийн төслөөс Улсын бүртгэлийн ерөнхий газар болон бүсийн найман тулгуур төвүүдийн Улсын бүртгэлийн хэлтсийн албан хэрэгцээнд зориулан 13 ширхэг автомашин хүлээлгэн өгөх ёслолын ажиллагааг зохион байгууллаа. Ёслолын ажиллагаанд Монгол улсын Тэргүүн шадар сайд Н.Алтанхуяг, Улсын бүртгэлийн ерөнхий газрын Дарга Л.Мөнхбаатар тэргүүтэй удирдлагууд, Америкийн нэгдсэн улсаас Монгол улсад суугаа Онц бөгөөд бүрэн эрхт Элчид сайд Жонатан Эдлтон, Мянганы сорилтын корпорацийн Суурин төлөөлөгч Роберт Рийд, Монголын Мянганы сорилтын сангийн Гүйцэтгэх захирал С.Баярбаатар зэрэг зочид төлөөлөгчид оролцов.

Ховд, Завхан, Орхон, Дархан-Уул, Дорнод, Хэнтий, Төв, Өвөрхангай зэрэг төсөл хэрэгжиж буй аймгуудад 8 ширхэг 2011 оны Nissan X-Trail маркийн автомашин, Улсын бүртгэлийн ерөнхий газарт 5 ширхэг 2011 оны Nissan Tiida маркийн автомашиныг тус тус хүлээлгэн өглөө. Төслийн үйл ажиллагааны хүрээнд Улсын бүртгэлийн ерөнхий газрын эд хөрөнгийн эрхийн бүртгэлийн үйл ажиллагаа, мэдээллийн технологийг сайжруулах, эд хөрөнгийн эрхийн бүртгэлийн цахим системийг нэвтрүүлэхээр ажиллаж байгаа аж.