Нийслэлийн нийтийн тээврийн газрын харъяа зорчигч тээврийн үйлчилгээ эрхэлдэг компаниудын өдөрлөг өнгөрөгч амралтын өдрүүдэд боллоо.
Тухайлбал, Ханын материалаас Нарантуул худалдааны төвийн чиглэлд буухиа үйлчилгээ эрхэлдэг Эс Энд Эй компани тус чиглэлд зорчдог иргэдийнхээ дунд өнгөрөгч бямба гаригт өдөрлөг зохион байгуулав. Тус компани нь 30 гаруй бага оврын нийтийн тээврийн хэрэгсэлтэйгээр 60 гаруй хүнийг ажлын байраар хангадаг аж.
Өдөрлөгийн үеэр хорооны эмзэг бүлгийн иргэдэд тээвэрчдийн чин сэтгэл шингэсэн бэлгийг гардуулж, үйлчилгээний талаар санал хүсэлтийг хүлээн авлаа. Мөн иргэдийн дунд санал асуулга явуулж, саналын хуудсны арын серийн дугаараар азтай зорчигчийг шалгаруулж урамшуулсан аж.
П.Наран