Нийслэлийн Ардчилсан хүчний холбооноос өнөөдөр Сүхбаатарын талбайд зохион байгуулахаар товлогдсон жагсаал хойшиллоо. Учир нь тэдэнд жагсаал хийх зөвшөөрлийг холбогдох байгууллага нь олгоогүй юм байна. Хэрэв жагсаал болсон бол НАХХ-ныхон УИХ-д Улаанбаатар хотоос сонгогдож буй гишүүдийн төлөөллийн тоог нэмэгдүүлэх чиглэлээр олон нийтэд хандаж мэдээлэл өгөх байсан гэдгийг зохион байгуулагчид нь хэлж байсан. Цаашдаа Нийслэлийн ардчилсан хүчний холбооныхон нийслэлчүүдэд тулгамдаж буй асуудлыг шийдвэрлэхийн төлөө ажиллах болно гэж мэдэгдлээ.
Б.Хулан