Энэ жил нийслэлийн зам засварын ажилд 70 гаруй тэрбум төгрөг зарцуулахаар төлөвлөсөн юм. Зам засварын ажлыг энэ сарын 15-наас албан ёсоор эхлүүлэх бөгөөд одоогоор Хүчит шонхор захаас Чингэлтэй дүүргийн 12 дугаар хороо, Хувьсгалчдын гудамжны уулзвар хүртэлх буюу Далан давхрын урдуурх 1.6 км авто замыг "Эко тогтол" ХХК, Сүхбаатар дүүргийн 3, 5, 7, 10 дугаар хороо, орон сууцны хороолол доторх 1.2 км авто замын засварыг "Наранбулаг Хан" ХХК–иуд ажлаа эхлээд байна.
Өнгөрсөн жил нийслэлд 61 км замыш шинэчлэх, шинээр тавьсан бөгөөд хийж дуусгаагүй 10 гаруй замын ажил үлдсэн байгаа тул гүйцэтгэгч компаниуд ажлаа үргэлжүүлэн хийх юм. Харин Дарь-Эхийн замын ажил 97 хувийн гүйцэтгэлтэй байгаа ба ирэх сарын 5-нд гэрэлтүүлэг, явган хүний замын ажлыг хийж дуусгахаар болжээ.
П.Наран