УИХ-ын гишүүн Ц.Шинэбаяр дөнгөж сая хэвлэлийнхэнд мэдээлэл хийлээ. Тэрбээр “Монголын ард түмний банк болох Монгол Улсын Төв банк олон нийтэд нээлттэйгээр Монгол Улсын гадаад өрийг мэдээлсэн.
Монголын ард түмний нийт гадаад өр 2011 оны байдлаар 9.6 тэрбум ам.долларт хүрлээ. Үүний дотор 7.5 тэрбум ам.долларын өрийг стандарт бус Засгийн газар гэж гайхуулж байсан Хамтарсан Засгийн газар 2008 оноос хойш Монголын ард түмнийг хуурч, төөрөгдүүлэн тавьсан байна. Монголын ард түмнийг мэхлэн дөрөвхөн жилд 7.5 тэрбум ам.долларын гадаад өрийн дийлэнх хувийг МАН, АН-ын олигархиудын компанийн өр.
Эдний өрийг Монголын ард түмэн яагаад үүрэх ёстой юм бэ. Миний бие Төв банкнаас хэн гэдэг эзэнтэй, ямар компаниуд хэний баталгаагаар ийм өр тавьсныг удаа дараа асууж, тодруулах гэсэн боловч нуун дарагдуулсан. Төв банк хувийн компани биш, Монголын ард түмний банк. Ард түмнээсээ юугаа нуугаад байгаа юм бэ.
Энэ бүхнийг ил гаргаж, эх орноо аврахын тулд АН, МАН-ын шударга гишүүд хүчээ нэгтгэн, 2012 оны сонгуулийн өмнө сайн дурын төрийн бус байгууллага болох намууды бүгдийг нь татан булгаж ул стөр, эдийн засгийн гэмт хэргийг таслан зогсоох ёстой. Мөн Монгол орныг хөгжил дэвшилд хүргэхийн тулд “Үндэсний зөвшилцөл”-ийг яаралтай эхлүүлэхийг нийт Монголын ард түмэн хүчээ нэгтгэхийг уриалж байна” гэв.
Уг хэвлэлийн хурлын дараа сэтгүүлчид түүнээс АТГ-т очиж мэдүүлэг өгөх эсэхий тодруулахад “Тухайн үед миний хийсэн бүх хөдөлгөөн тэгэхэд бичигдсэн байгаа. Түүн дээр нэмж би өөрөө мэдүүлэг өгөх шаардлагагүй” гэсэн юм.
С.Жигүүр