Нийслэлийн Засаг дарга бөгөөд Улаанбаатар хотын Захирагч Г.Мөнхбаярын захирамжийн дагуу Улаанбаатар хотын Захирагчийн ажлын албанаас нийслэлийн иргэдийг хур хогноосоо салахыг уриалсан. Үүний хүрээнд өнөөдөр 10.00 цагаас эхлэн Улаанбаатар хот даяар бүх нийтийн их цэвэрлэгээ өрнөж байна.
Нийслэлийн нутаг дэвсгэрт үйл ажиллагаа явуулж буй бүх аж ахуйн нэгж байгууллага, албан газар, их дээд сургууль, Улаанбаатар хотын нийт оршин суугчид энэ их цэвэрлэгээнд оролцож байгаа бөгөөд дүүргүүдэд энэхүү ажлыг дүүргийн засаг даргын орлогч нар хариуцаж байгаа юм.
Мөн өнөөдөр нийслэлд үйл ажиллагаа явуулж буй томоохон зах, үйлчилгээний газрууд ажиллахгүй, цэвэрлэгээ хийж байна. Нийслэлийн захирагчийн ажлын албанаас Баянзүрх дүүрэг дэх "Нарантуул", "Даймонд", "Эйч энд эйч фүүдс", "Хан талст", "Сандей плаза", "Нармон", Сүхбаатар дүүрэг дэх "Монгол глобал", "Говь түшээ", Чингэлтэй дүүрэг дэх "Юмт бөмбөгөр", "Эрдэнэ булган", "Анко", "Алтжин хүнс", "Хүчит шонхор", Баянгол дүүрэг дэх "Барс импекс", "Чингис трей"д, Хан-Уул дүүрэг дэх "Мишээл экспо" ХХК-иудад үйл ажиллагаагаа хааж, гадна, дотно орчноо цэвэрлэн, хогоо ачиж зайлуулах ажиллагаанд түрээслэгч болон худалдааны төвийн ажилтнууд оролцож байна.
Д.Цэцэг