Монголын уран зургийн галерейд өнөөдөр зураач Г.Болдбаярын 1987-2012 он хүртэл бүтээсэн “Төрсөн нутаг” зураасан зургийн үзэсгэлэн нээгдэнэ. Тус үзэсгэлэнд Монголын сайхан орон, говь нутгийн байгаль, гэрэл сүүдрийн ер бусын тогтолцоо, ахуй амьдралыг харуулсан чулуун бар, төмөр бар, модон бар, хулдаасан барын аргаар урласан 30 гаруй сор бүтээл нь тавигдах гэнэ.   Зураач Гомбожавын Болдбаяр нь 1963 онд Дорноговь аймгийн Сайншанд хотод төрсөн ба 1981-1988 онд Болгар улсын Софи хотод уран зургийн академид профессор Петер Чуклевийн урланд суралцаж төгссөн. Одоо урлаг судлалын чиглэлээр Болгар улсын Софи хотын Уран зургийн академид докторын зэрэг горилон эрдмийн ажил хийж байгаа аж.   П.Наран