Нийслэлийн ЭМГ-ын харъяа эрүүл мэндийн байгууллагуудын сувилагчдын дунд ажил мэргэжлийн уралдаан “Эмнэлгийн тусламжийн чанарын жилд сувилагчдын оролцоо” уриан дор болж өнгөрлөө. Хоёр өдөр үргэлжилсэн тус  уралдаанд Нийслэлийн Эрүүл мэндийн газрын харъяа 14 байгууллагаас шилдэг гэсэн 70 сувилагч оролцож багийн болон хувийн ур чадвар ажил үйлсээрээ уралдав.   Уралдааны нэгдсэн дүнгээр Багануур Эрүүл мэндийн нэгдлийн сувилахуйн хамт олон нэгдүгээр байр, Сүхбаатар дүүргийн Нэгдсэн эмнэлгийн сувилахуйн хамт олон хоёрдугаар байр, Хан-Уул Эрүүл мэндийн нэгдлийн сувилахуйн хамт олон гуравдугаар байр тус тус эзэлсэн байна.   Харин хувийн амжилтаар нь таван сувилагчийг шалгаруулжээ. Үүнд: Дотрын сувилахуйгаар ХУЭМН Л.Солонго, Хүүхдийн сувилахуй БЗНЭ М.Энх-Амгалан, Яаралтай тусламж НЭМН Ж.Харшилмаа, Мэс заслын сувилахуй СБЭМН Ч.Ганцэцэг тус тус шалгарчээ. Нийгмийн эрүүл мэндийн сувилахуй БГЭГМН Х.Дарьсүрэн нар бусдыгаа хошуулчлан манлайлж тусгай шагнал хүртсэн байна.   Сувилагч нарын ажил мэргэжлийн уралдааныг нийтлэг шаардлага, ур чадвар, багийн бэлтгэл, мэндчилгээ, сорил, зонхилон тохиолдох өвчний үед авч хэрэгжүүлэх сувилахуйн арга хэмжээ, яаралтай тусламж үзүүлж буй ур чадвар,мэргэжлийн ур чадвар, гэрийн даалгавар, шинэ туршлага зэрэг үзүүлэлтээр шалгаруулсан аж.   П.Наран