Засгийн газрын хэрэгжүүлэгч агентлаг-Ашигт малтмалын газрын дарга томилогдлоо. Сүүлийн жилүүдэд Ашигт малтмалын салбарын асуудал нь эдийн засгийнх гэхээсээ илүүтэй үндэсний аюулгүй байдалтай холбоотой асуудал болж хувираад буй.
Эх орны асар чухал салбарын бодлогыг базах газрын даргаар Галсангийн Алтансүх хэмээх эрхмийг томиллоо. Г.Алтансүх нь ЗХУ-ын Улсыг аюулаас хамгаалах хорооны дээд сургууль, Удирдлагын академи төгссөн.
Эрх зүйч, төрийн удирдлагын менежер мэргэжилтэй. Олон улсын харилцааны магистр.
Улсын аюулгүй байдлыг хангах ерөнхий газарт судлаач багш, Тагнуулын төв газарт ахлах ажилтан, Тагнуулын ерөнхий газарт газрын орлогч дарга, хэлтсийн дарга, АНУ-д суугаа Элчин сайдын яаманд III нарийн бичгийн дарга, Тагнуулын ерөнхий газрын дэд даргаар ажиллаж байсан.
Г.Алтансүх төрийн албанд 26 жил ажиллаж байгаа бөгөөд тухайн ажлыг хариуцах чадвар, ажлын туршлагыг нь харгалзан Ашигт малтмалын газрын даргаар томилжээ.
Улсыг аюулаас хамгаалах сургууль төгссөн энэ салбарт ажиллаж олон жил ажилласан хүнийг томилж байгаа нь учиртай гэдгийг Засгийн газрын тэргүүн хуралдааны үеэр хэлж байлаа.