Үндэсний аудитын газарт энэ сарын 2-ны өдөр хуулийн дагуу ирэх сард болох сонгуульд оролцохоор 11 нам, эвсэл мөрийн хөтөлбөрөө өгчээ. Эдгээр нам, эвслийн сонгуулийн мөрийн хөтөлбөрт Үндэсний аудитын газар 14 хоногийн дотор аудитын шалгалт хийх юм байна.
Одоогийн байдлаар Эрх чөлөөг хэрэгжүүлэгч нам, Хөгжлийн хөтөлбөрийн намын мөрийн хөтөлбөрийн аудитын дүгнэлт гаргаад байгаа ажээ.
Дээрх нам, эвслүүд мөрийн хөтөлбөрийн аудитын дүгнэлтээ гаргуулсны дараа энэ сарын 9-ний дотор Сонгуулийн ерөнхий хороонд 2012 оны улс төрийн сонгуульд оролцох хүсэлтээ албан ёсоор тавихаар хуульчлагдсан.
Өнөөдрийн байдлаар Сонгуулийн ерөнхий хороонд ирэх сард болох сонгуульд оролцох хүсэлтээ илэрхийлсэн нам, эвсэл байхгүй гэв.
С.Жигүүр