Шууд.мн сайт болон Шууд телевизийн энэ долоо хоногийн хөндөх сэдэв Засгийн газраас гаргасан “100 мянган айлын орон сууц” хөтөлбөр.
Сонгууль дөхөж АН Засгийн газраас дуулиантайгаар гарсны дараахан зарлагдсан энэ хөтөлбөр орон сууцтай болохыг хүссэн хэн бүхэнд итгэл найдвар төрүүлж чадсан.
Хэсэгтээ л энэ хөтөлбөрийн тухай сэдвээр хүн бүхэн “улстөржиж” хэвлэлүүд өдөр алагсалгүй мэдээлж байсан юм.
Гэтэл сонгуулийн өмнөх улстөрийн элдэв дуулиануудад дарагдаж, нэг ёсондоо санал авах бас нэгэн тархи угаалт болж, сонгуулийн дараа замхрах магадлалтай болж буй энэ хөтөлбөрийг “100 мянган өрхийн мөрөөдөл” хэмээн нэрлэхэд буруудахааргүй болох нь.
Манай сайт болон телевиз энэ долоо хоногийнхоо мэдээ мэдээллийнхээ агуулгад энэхүү иргэдийг орон сууцжуулах хөтөлбөр хаана нь болж бүтэж байгааг, бүтээх гэж эрмэлзэж буйг, хаана очоод эцсийн хязгаартаа тулж, мөрөөдөл болон хувираад буйг түлхүү оруулах болно.