УИХ-ын чуулгана хуралдаан эхэллээ. Хуралдаанаар Усны нөөцийг бохирдлоос хамгаалах, усны бохирдлын хяналтын тухай хуулийн төсөл, Усны тухай хуульд нэмэлт, өөрчлөлт оруулах тухай хуулийн төслийг хэлэлцэж байна.
Хууль санаачлагчийн илтгэлийг УИХ-ын гишүүн Н.Ганбямба танилцууллаа. Харин Байгаль орчин, хүнс, хөдөө аж ахуйн байнгын хорооны санал, дүгнэлтийг УИХ-ын гишүүн Ц.Сэдванчиг танилцуулсан юм.
Хууль санаачлагчлагчдаас гишүүд гишүүд асуулт асууж хариулт авлаа. УИХ-ын гишүүн Ц.Батбаяр “Туул голыг бохирдуулсан торгуулийн хэмжээ хаанаа ч хүрэхгүй байна. Хэчнээн хэмжээний торгууль гаргаад цэвэрлэх байгууламж байгуулна гэсэн тооцоо гаргасан бэ. Байгаль орчны нэртэй олон төрийн бус байгууллагуудаа яах юм бэ.
Үүнээс гадна манай улс шиг газрын гүнийхээ усыг ашигладаг орон байхгүй. Тиймээс ашигласан усаа дахин ашиглах ямар боломж байдаг юм бэ. Шинэ технологийн талаар бодлого баримталж ажиллах юм бэ” гэсэн асуултуудыг тавьлаа.
Харин БОАЖ-ын сайд Д.Цогтбаатарын хариулснаар бол Ус бохирдуулсны нөхөн төлбөрийн тухайд иргэнд 3-5 дахин албан тушаалтанд 10-30 аж ахуй нэгжид 30-50 дахин хөдөлмөрийн хөлсний доод хэмжээг нэмэгдүүлсэнтэй тэнцэх мөнгөөр торгохоор хуулийн төсөлд орсон байгаа аж.
ТББ гэх статустай байгууллага бодитой ажиллаж чадахгүй байгаа. 700 гаруй төрийн бус байгууллагатай хамтарч ажиллаж байна. энэ талаар анхаарч ажиллаж байна” гэсэн хариултыг өглөө. Эцэст нь уг хуулийн төслийг дараагийн хэлэлцүүлэгт шилжүүлэхийн хуралдаанд оролцсон гишүүдийн олонхи дэмжлээ.
С.Жигүүр