Монгол Улсын иргэн Ж.Отгонцагаан Олон улсын олимпийн хорооны комиссын гишүүнээр анх удаа сонгогдоод удаагүй байгаа билээ. Монголын үндэсний олимпийн хорооны ерөнхий нарийн бичгийн дарга тэрээр саяхан олимпийн нийслэл гэгддэг Швейцарийн Лозанн хотноо ОУОХ-ны “Спорт хүрээлэн буй орчин” комиссынхоо хуралд оролцлоо. Уг хурлыг ОУОХ-ны Ерөнхийлөгч Жак Рогге, тус комиссийн дарга, Унгар улсын экс ерөнхийлөгч Паль Шмитт нар удирдсан юм.