“Ройтерс” агентлагийн сэтгүүлчдийг баривчилжээ Шилжилт хөдөлгөөний хязгаарлалт бодит үр дүнд хүрчээ Монгол хүүхдүүд 20 алт, 33 мөнгөн цом хүртлээ Эцгийнхээ таалал төгссөн өдөр цөмийн туршилт хийж магадгүй Монгол Улсын хэмжээнд 64375 залуус иргэний үнэмлэхээ гардан авлаа Эрүүл мэндийн даатгалын ерөнхий газар байгууллаа Сальма Хайек: Харви Вайнштейн надад бэлгийн дарамт үзүүлж байсан Монголын хүмүүнлэгийн шилдэг үйлстэн тодорно Циркийн уран бүтээлчдэд 52 сая төгрөгийн шагнал олгоно Төрийн аудит тэдний зэвсэг биш Банкны тухай хуулийн төслийг хэлэлцэнэ Өрх толгойлсон эх, эцэгт 240 мянган төгрөгийн тэтгэмж олгоно Ихэнх нутгаар хүйтний эрч чангарна Б.Хурцын асуудлаар 8 иргэний гомдлыг судалж байна Ходоод шархалсан эсэхийг хэрхэн мэдэх вэ Хоолой идээлж, өвдсөн үед хэрхэх вэ Оны шилдэг гэрэл зураг тодорлоо Импортын эрчим хүчийг татвараас чөлөөлөх хуулийн төсөл өргөн барилаа ЗХЖШ-ын удирдлагууд генералууддаа хүндэтгэл үзүүллээ 248 дугаар цэцэрлэг нээлтээ хийлээ
Улаанбаатар -30°
Мэтт Дэмон: Эр хүн хэтэрхий романтик байх нь ичгэвтэр хэрэг
2017.2.17

Холливуудын нэрт жүжигчин Мэтт Дэмон өчигдөр “ELLEN” шоунд оролцож, ярилцлага өгчээ. Энэхүү ярилцлагыг хүргэж байна. Тэрбээр сүүлд “Цагаан хэрэм” уран сайхны кинонд тоглосон юм.

 

 

-Хэдхэн хоногийн Гэгээн хайрын баяр болсон. Энэ баяраар хайртай гэргийгээ хэрхэн баярлуулав?

-Одоо байгаа наснаасаа 10 эсвэл 20 насаар залуу байсан бол энэхүү баярт ихээхэн ач холбогдол өгөх байлаа.

 

-Ингэхэд та хэдэн настай юм бэ?

 

-46 нас.

 

-Ийм залуухан байж өөрийгөө хөгшин гэж бодоод байгаа юм уу?

 

-Тийм л болж таарлаа.

 

-Таны гэргий Лусиана Барросо гомдоллохгүй байна гэж үү. Хэрвээ хайртай хүнээсээ шоколад, цэцгийн баглаа аваагүй бол тэр эмэгтэй их л гуниглах байх даа?

 

-Тэр минь их ухаантай бүсгүй шүү дээ. Миний үйлдэл эхнэрт минь таалагдсан эсэхийг сайн мэдэхгүй байна. Гэхдээ хайрын баяраар эхнэртээ оройн хоол хийж өгсөн. Харин шоколад бэлэглээгүй. Дараа жил алдаагаа давтахгүй байх болно. Эхнэртээ бэлэглэсэн шоколадынхаа зургийг нийгмийн сүлжээндээ байршуулна.

 

 

-Амласан шүү?

 

-Мэдээж хэрэг. Би чинь эр хүн.

 

-Яриаг чинь сонсоод байхад тийм ч романтак эр биш бололтой. Гэтэл таны инээмсэглэл олон мянган эмэгтэйчүүдийг догдлуулдаг. Хувьдаа таныг их л романтик гэж боддог байлаа?

 

-Эр хүн хэтэрхий романтик байх ичгэвтэр хэрэг. Эр хүн эр хүн шиг байх хэрэгтэй. Гэхдээ би гэр бүлээ хэзээ ч хайраар дутааж байгаагүй. Хэдий их ажилтай байдаг ч эхнэртэйгээ ярилцах дуртай. Нэг нэгнээ ойлгох романтак байдлаас илүү гэж бодож байна.

 

-Та жүжигчин Жорж Клунитэй сайн найзууд?

 

-Тийм ээ би түүнийг коллеж байхаасаа л мэднэ. Амьдралынхаа бүхий л шатанд нөхөрлөж байна.

 

-Түүний хурим тун гайхалтай болсон. Ер нь тэр залуу хуримынхаа талаар тийм ч их яриад байдаггүй.

 

-Амаль бол гайхалтай бүсгүй. Тэр Клунид их тохирдог. Мэдээж хэрэг хурим үнэхээр төгс болсон. Амьдралдаа оролцсон хамгийн гайхалтай хуримуудын нэг гэхэд болно. Бүх зүйлс гайхалтай байсан.

 

 

-Клуни үнэхээр аав болох гэж байгаа юм уу?

 

-Тийм ээ. Ихэр хүүхэдтэй болох гэж байгаа.

 

-Гайхалтай.

 

-Тийм ээ. Клуни 54 насандаа аав болох гэж байна. Энэ бол гайхамшиг. /инээв/ Би түүнийг мэддэг болоод 30 жил болж байна. Тэр энэ хугацаанд олон удаа л баярлаж байсан. Гэхдээ тэр эхнэрээ жирэмсэн болсон гэдгийг сонсоод үнэхээр баярласан. Анд минь аав болохыг их хүсдэг байсныг л тэр үед мэдэрсэн.

 

-Ихрүүд хэзээ төрөх юм бэ?

 

-Долоодугаар сард.

 

-Яагаад кино урлагийг сонгосон юм бэ. Энэ талаар асуухад хэтэрхий оройтсон ч гэсэн би уран бүтээлчдээс ийнхүү асуух их дуртай?

 

-Зүгээр л миний хийж чадах ганц ажил байсан юм.

 

 

Б.Дэлгэрцэцэг 

Мэтт Дэмон: Эр хүн хэтэрхий романтик байх нь ичгэвтэр хэрэг
Shuud.mn
сонин хачин
2017 оны 12-р сарын 14, Пүрэв гараг