Чингэлтэй дүүрэг 2018 оны төсвөө баталлаа Хар тамхичдыг баривчилжээ Ерөнхийлөгч үндэсний аюулгүй байдлын асуудлаар мэдээлэл хийлээ Төв талбайн сүлд модны гэрлийг асаалаа Болор цом-2017: ИЖИЙДЭЭ НАС ГУЙЖ БИЧСЭН ШҮЛЭГ Улаанбаатарт 13 хэм хүйтэн байна Үйлдвэрийн ажилтнуудыг санаатай хордуулжээ Шүүхийн шилдэг тамгын газруудыг шалгарууллаа УИХ-ын гишүүн Ж.Батзандан, Л.Болд нар нээлттэй сонсгол зохион байгууллаа Энэ сард 43 эмч Япон, БНСУ-д суралцана Жэфф Хорн аваргаа хамгаалж чадлаа АНУ-ын шилдэг хөлбөмбөгчнөөр 19 настай тамирчин тодров Амьтанд ээлтэй иргэд, хамт олон тодорлоо Иргэнээ сонсдоггүй УИХ-ын дарга хэнд үйлчилдэг вэ ШӨХТГ, ГИХГ-ын байцаагч нар хууль зөрчжээ Шилдэг хэсгийн төлөөлөгчийг “УАЗ-469” машинаар шагналаа Путин, Трамп нар Пхеньяны асуудлаар утсаар ярилцжээ “Алтай холдинг групп”-ийг “2017 оны шилдэг компани”-аар шалгарууллаа Никола Димитров Элчин сайд Д.Батсайханыг хүлээн авч уулзав Эрүүл мэндийн даатгалын үндэсний зөвлөлийн даргаар Д.Сарангэрэлийг томиллоо
Улаанбаатар -23°
Эрх мэдлийн төлөөх бас нэг дайсагнал
2017.3.15

Турк болон Нидерланд улсын дунд үүсээд буй таагүй харилцаа олон улсын анхаарлыг татаж эхэллээ. Энэ талаар “www.dailymail.co.uk” сайт мэдээллээ.

 

 

Турк улс өчигдөр Нидерланд улсаас дипломат харилцаагаа түр түтгэлзүүлж, Элчин сайдаа эргүүлэн татаж, мөн тус улсад суугаа Нидерландын бүрэн эрхт Элчин сайд Кээс Корнелис ван Рийг Анкара дахь элчингийн байрандаа түр хугацаагаар ирэхгүй байхыг анхааруулсан байна. Элчин сайд одоогоор нутаг буцаад буй гэнэ. Ийнхүү хоёр улс сөргөлдсөн нь “Нидерландын эрх баригчдын буруу шийдвэртэй шууд холбоотой” хэмээн Туркийн Ерөнхийлөгч Режеп Тайип Эрдоган мэдэгдлээ.

 

Учир нь өнгөрсөн амралтын өдөр Туркийн Гадаад хэргийн сайд Мевлют Чавушоглу болон Гэр бүл, нийгмийн бодлогын асуудал эрхэлсэн сайд Фатиме Бетюль Саям Кайе нар Нидерланд улсад амьдарч, ажиллаж буй турк иргэдтэй уулзахыг хүссэн аж. Харин Нидерландын эрх баригчид иргэдтэй хийх сайд нарын уулзалтыг хориглосон байна. Нидерланд уг үйлдлээ “Иймэрхүү уулзалт нийтийн эмх замбараагүй байдал үүсгэх эрсдэлтэй” хэмээн мэдэгджээ.

 

Турк улсад ирэх дөрөвдүгээр сарын 16-нд Ерөнхийлөгч Режеп Тайип Эрдоганы эрх мэдлийг өргөжүүлэхээр Үндсэн хуулиндаа өөрчлөлт оруулах эсэх асуудлаар бүх нийтийн санал асуулга явуулахаар төлөвлөж буй билээ. Үндсэн хуулинд өөрчлөлт оруулах асуудлаар Европын орнуудад амьдарч буй туркуудыг хамруулахаар болсон юм. Тиймээс Туркийн Засгийн газар Европын орнуудад амьдарч буй иргэдэд мэдээлэл өгөх зорилгоор өргөн цар хүрээтэй уулзалт зохион байгуулж буй билээ.

 

Нидерланд улсад 400 мянган турк амьдардаг. Эдгээр иргэдийн дэмжлэг авах чухал уулзалтыг тус улс зөвшөөрөөгүйн улмаас Ерөнхийлөгч Эрдоган болон олон мянган туркууд дургүйцлээ илэрхийлсэн юм. Эрдоган “Та бүхэн шийдвэрээ харах хэрэгтэй” гэж мэдэгдсэн билээ. Туркийн олон хотноо Нидерландын эсрэг жагсаал зохион байгуулагдаж байна.

 

Ерөнхийлөгч Нидерландын эрх баригчдыг шүүмжлэхээс гадна Германы Канцлер Ангила Меркелийг “террористуудыг дэмжигч” хэмээжээ. Турк улсад өнгөрсөн оны долоодугаар сард хэсэг цэрэг төрийн эргэлт хийхийг санаархсан билээ. Уг ажиллагаанд оролцсон зарим цэрэг Германаас орогнол хүсч, тус улсад амьдарч буй юм. Турк улсаасаа урвасан цэргүүдийг Анкарад шилжүүлэн өгөхийг Канцлерээс хэд хэдэн удаа шаардсан ч уг саналаас Берлин татгалзсаар өнөөг хүрчээ. Эрдоган ийнхүү Канцлерийг шүүмжилсэн нь Берлин мөн Туркийн сайд нарыг уулзалт хийхийг хориглосон шийдвэртэй шууд холбоотой юм.

 

Нидерландын Ерөнхий сайд М.Рютте гаргасан шийдвэрийнхээ төлөө Туркийн эрх баригчдаас уучлалт гуйхгүй гэдгээ илэрхийлэн "Дээрхтэй ижил төрлийн ямар ч уулзалт хийхийг зөвшөөрөхгүй” гэж хэлжээ.

 

Турк, Нидерландыг буулт хийх хүртэл дипломат хориг тавихаа сануулсан. Эхний ээлжинд Нидерландын дипломатчдын суусан онгоц Турк улсад газардахыг хориглосон байна. Харин уг хориг Турк улсад ирж буй нидерланд иргэдэд хамааралгүй талаар тус улсын Шадар сайд Нуман Куртулмуш мэдэгджээ.

 

Мөн Нидерланд албан ёсоор гаргасан шийдвэрийнхээ төлөө уучлалт гуйх хүртэл хоёр талын дээд хэмжээний бүх уулзалтыг цуцалсан байна.  Туркийн гаргасан шийдвэртэй холбоотойгоор Нидерландын эрх баригчид одоогоор мэдэгдэл хийгээгүй байгаа юм.

 

 

Б.Дэлгэрцэцэг

 

 

Эрх мэдлийн төлөөх бас нэг дайсагнал
Shuud.mn
сонин хачин
2017 оны 12-р сарын 17, Ням гараг