Улсын хэмжээнд 1.9 сая сонгогч саналаа өгнө “Говь” үйлдвэр хэвийн ажиллаж эхэллээ Зөөврийн хайрцгаар санал авч байна Нийслэлд 936 мянган сонгогч санал өгнө Сурталчилгаа өндөрлөж, сонголт хийх үлдлээ Дугаарын хязгаарлалт үйлчлэхгүй Ерөнхий сайд ”Говь”-д зочилно СЕХ-ноос уриалга гаргажээ Улаанбаатарт 33 хэм дулаан байна Үс засуулахад тохиромжгүй Ерөнхийлөгчид нэр дэвшигчид мэтгэлцэж байна 10 дугаар хорооллын туслах замыг шинэчилнэ “Монлаа”-гийн айл өрхүүд шинэ замтай боллоо Сонгогчдын хуруунд бэхээр тэмдэг тавина Н.Оюундарь Европын парламентын гишүүнтэй уулзлаа 1990 оны цагаан Морин жилээс илгээсэн ЗАХИДАЛ Хэт халахыг сэрэмжлүүлж байна Хүмүүжигчдийн гэр бүлтэй уулзалт хийнэ Ихэнх нутгаар 30 градусыг давж хална Үс засуулахад тохиромжгүй
Улаанбаатар 29°
Олны анхаарал татсан, онц хүнд хэргүүдийг шүүхэд шилжүүллээ
2017.3.16

 

Нийслэлийн прокурорын газраас олны анхаарал татсан, онц хүнд хэргүүдэд прокурорын яллах дүгнэлт үйлдэж, шүүхээр шийдвэрлүүлэхээр шилжүүллээ. Тухайлбал :

 

  • Тагнуулын Ерөнхий газрын Мөрдөн байцаах хэлтсээс мөрдөн байцаалтын ажиллагаа явуулсан "Украйн Улсын иргэн А нарын 5 этгээд урьдчилан үгсэн тохиролцож 2015 оны 11 дүгээр сарын 25-ны шөнө Баян-Өлгий аймгийн нутаг дэвсгэрт Хилийн 44.2 дугаар тэмдэгтийн чиглэл, боомт бус газраар Засгийн газрын 2013 оны 15 дугаар тогтоолоор гадаад улсад гаргахыг хориглосон 128.000.000 төгрөгийн үнэлгээтэй 8 ширхэг идлэг шонхор шувууг Монгол Улсын хилээр хууль бусаар нэвтрүүлэхийг завдсан гэх эрүүгийнхэрэгт яллах дүгнэлт үйлдэж, шийдвэрлүүлэхээр Баян-Өлгий аймаг дахь сум дундын Эрүүгийн хэргийн анхан шатны шүүхэд,

 

  • Мөрдөн байцаах газрын Онц хүнд гэмт хэрэг мөрдөх хэлтсээс шалгасан "БНХАУ-ын иргэн W нь 2016 оны 12 дугаар сарын 30-ны шөнө Сонгинохайрхан дүүргийн нутаг дэвсгэрт хувийн таарамжгүй харьцааны улмаас эхнэр Х-н гар, духны хэсэгт 6 удаа заазуурдаж, онц харгис хэрцгий аргаар алсан, уг гэмт хэргээ нуун далдлах зорилгоор гэрт нь байсан 4 настай А-ын зулайн тус газарт заазуурдаж алсан, мөн 12 настай Б-ын толгойн тус газарт заазуурдаж хүнд гэмтэл учруулан санаатайгаар алахыг завдсан” гэх хэрэгт яллах дүгнэлт үйлдэж, Сонгинохайрхан дүүргийн Эрүүгийн хэргийн анхан шатны шүүхэд,

 

  • Авлигатай тэмцэх газрын Мөрдөн шалгах хэлтсээс шалгасан "2014 онд Авто тээврийн үндэсний төвийн Тээврийн хэрэгслийн бүртгэлийн цахим санд бүртгэлийн ажилтнуудын нэвтрэх эрхийг хууль бусаар ашиглан нэвтэрч гадаад улсаас Монгол Улсад сэлбэгээр оруулж ирж угсран, албан татвар төлөхөөс зайлсхийсэн тээврийн хэрэгслүүдэд улсын дугаар, гэрчилгээг олгож, бусдаас хээл хахууль авсан” гэх Тээврийн хэрэгслийн бүртгэлийн хэлтсийн мэргэжилтэн Д нарт холбогдох хэрэгт яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд,

 

  •  Авлигатай тэмцэх газрын Мөрдөн шалгах хэлтсээс шалгасан "гаалийн бүрдүүлэлт хийсэн автомашинуудад хяналт шалгалтыг зохих ёсоор хийлгүй хурдан хугацаанд саадгүй гаргах, мөн татварын хувь хэмжээг бууруулахаар амлан БНХАУ-аас Замын-Үүд дэх гаалийн газрын хяналтын талбайд орж ирсэн автомашинуудад ачигдсан бараанд төлөгдвөл зохих татварын мөнгийг бүрэн төлүүлэлгүйгээр гаргаж, бусдаас удаа дараа хээл хахууль авсан” гэх Замын-Үүд дэх Гаалийн газрын гаалийн улсын байцаагч Ц нарын нэр бүхий 36 хүнд холбогдох хэрэгт яллах дүгнэлт үйлдэж, Сүхбаатар дүүргийн Эрүүгийн хэргийн анхан шатны шүүхэд  шилжүүлжээ.

 

В.Бат 

Олны анхаарал татсан, онц хүнд хэргүүдийг шүүхэд шилжүүллээ
Shuud.mn
сонин хачин
2017 оны 6-р сарын 25, Ням гараг