Орхон голын мөсөнд цөмөрсөн автомашиныг татаж гаргав Кардашиан дахин хүүхэдтэй болохыг хүсдэг Обама дурсамж номоо бичнэ “Технологи, хөрөнгө оруулалт Монголд-2017” үзэсгэлэн болно Гавьяат тамирчин Б.Мөнгөнтуул алтан медаль хүртжээ Итгэмжлэх жуух бичгээ барив ФОТО: Монгол нутгийн хавар “Ромео Жульетта”-г Дорнод аймагт тоглоно Шадар сайд У.Хүрэлсүх МУЗН-ийн үйл ажиллагаатай танилцав Бруклин Бекхэм: Би өөрийнхөө хүчээр алдартай болмоор байна Н.Түвшинбаяр, Д.Сумъяа нарын өмсгөлийн орлого эздэдээ очлоо Д.Мягмарсүрэн: Хүний хар нүднээс бусад нь надад бий Иргэдийн 57 хувь нь Монголыг “буруу чиглэлд” явж байна гэж дүгнэв Чойбалсан- Манжуур чиглэлийн тээврийн үйлчилгээ эхэллээ Малын хулгайчдыг барьжээ Пак Ын Хэг баривчилна Шар усны үерээс урьдчилан сэргийлэх арга хэмжээ авлаа Гишүүдийн туслахууд номын дуу сонсов АН дахь тохироо Н.Номтойбаярын тушаалыг шалгуулахаар шүүхэд хандлаа
Улаанбаатар
К.Лагард: Эдийн засаг өсч эхэлсэн ч буруу бодлого үүнийг зогсоож мэднэ
2017.3.20
 
ОУВС-гийн тэргүүн К.Лагард “Дэлхий дахинд өсөлт бий болж байгаа нь сайн хэрэг. Гэвч буруу бодлого энэхүү шинэ өсөлтийн хурдыг зогсоож болохыг анхааруулмаар байна” хэмээн өчигдөр мэдэгджээ.
 
“Их 20”-ийн Сангийн сайд нарын уулзалтын төгсгөлд хэлсэн энэхүү мэдэгдлийнхээ үеэр тэрээр голлох эдийн засаг болсон улс орнууд нэг төвшинд хамтран ажиллах нь шийдвэрлэх гол зүйл гэдгийг сануулсан байна. “Дэлхий дахинд өсөлт сэргэж буй энэ цаг үед бид уулзаж байна. Хэдийгээр тааламжгүй нөхцөл байдал хэвээр байгаа ч манай гаригийн эдийн засаг өмнөх төвшиндөө хүрэхээр эргэж байна” хэмээн Лагард хэлжээ. Ингэхдээ ОУВС-гийн тэргүүн “Их 20”-ийн Санхүүгийн албан тушаалтнууд чөлөөт худалдааны асуудлаар зөвшилцөлд хүрээгүй болон худалдааны хамгаалалтын талаар ямар нэг зүйл дурдаагүй байна.
 
Тэрээр хүчтэй мөнгөний бодлого, санхүү, эдийн засгийн бүтцийн бодлогын шинэтгэл нь дэлхийн эдийн засгийн ирээдүйг зааж өгнө хэмээн хэлжээ. “Дэлхий дахины хамтын ажиллагаа, зөв бодлогын хэрэгжилт бидэнд хүчирхэг, тогтвортой, тэнцвэртэй өсөлтийг бий болгоно. Гэвч энэ бүгдийг багтаасан өсөлтийг нэг л буруу зүйл хийвэл зогсоож болохыг анхаарах цаг нь одоо юм” гэж тэрээр хэлсэн байна.
 
Түүнчлэн АНУ-ын шинэ Ерөнхийлөгч Д.Трампын худалдааны хамгаалах бодлогод энэхүү уулзалтад оролцсон албаны хүмүүст ихээхэн болгоомжтой хандаж байгаа юм. Учир нь энэхүү бодлого нь АНУ-д орох импортыг багасгах үр нөлөөтэй билээ.
 
Эргэн сануулхад, өнгөрсөн нэгдүгээр сарын сүүлчээр болсон Дэлхийн эдийн засгийн форумын үеэр ч энэ асуудал яригдаж байв. Чангарч буй америк доллар, татварын ачаалал, алдагдсан зохицуулалт, худалдааны бодлого зэрэг нь өнөөгийн сэргэж буй дэлхийн эдийн засгийн томоохон эрсдэл гэж санхүүгийн салбарын лидерүүд үзэж байсан юм.
 
Ам.доллар еврогийн эсрэг сүүлийн 14 жилийн хамгийн өндөр ханшид хүрээд байгаа. Энэ нь Трамп хөрөнгө оруулалт болоод ажил эрхлэлтийг нэмэгдүүлэх хүчин чармайлт гаргаж эхэлсэнтэй давхцаж байна. Японы Төвбанкны ерөнхийлөгч Харухико Курода АНУ-ын шинэ Ерөнхийлөгч Доналд Трампын бодлого, Европын сонгууль нь энэ жил глобал гаалийн татвараар дамжуулан хамгаалах бодлогыг өдөөж, дэлхийн худалдаанд цохилт өгөх магадлалтай хэмээн бас дүгнэж байсныг эргэн санах хэрэгтэй.
 
Мөн тэрээр “Их 20”, Их долоо болоод ихэнх улсууд глобал худалдааг дэмжих чухал үүрэг хүлээсэн. Тийм ч учраас гаалийн татвараар дамжуулан хамгаалах явдлыг багасгахад оролцоотой” гэжээ.
 
Эрэлт буурсаар байгаа энэ үед Хятад улс худалдааны хамгаалсан бодлогын эсрэг байгаа бөгөөд чөлөөт худалдааг дэмжиж буйгаа мэдэгджээ. “Хятад улс бусад улс орнуудтай худалдаа болоод хөрөнгө оруулалтын хамгаалах бодлогын эсрэг ажиллана” хэмээн Ерөнхий сайдын орлогч Зан Гаоли Бээжинд болсон Хятадын хөгжлийн форумын үеэр хэлжээ. “Бид эдийн засгийн даяарчлалд цуцашгүйгээр тэмүүлэх болно. Дэлхийн эдийн засаг өсөлт суларч, худалдааны хамгаалалт нэмэгдэж байгаа гүн шалгуурт явж байна” гэж тэрээр мөн нэмж хэлжээ. Бээжин эрэлт суларч, АНУ-ын худалдааны хамгаалах бодлогоос улбаатайгаар эрсдэлүүд бий болж буйтай эсрэг байр суурьтай байгаа билээ.
 
Өнгөрсөн нэгдүгээр сард Хятадын Ерөн­хийлөгч Си Зиньпин Дэлхийн эдийн засгийн форумд оролцохдоо даяарчлалыг хамгаалахыг санал болгоод Бээжин энэхүү үйл хэрэгт гол үүрэг гүйцэтгэх хүсэлтэй байгаагаа илэрхийлсэн юм.
 
ОУВС-гаас энэ жил дэлхийн эдийн засгийн өсөлтийг 3.4 хувьд хүрнэ хэмээн урьдчилан таамаглаж байна. Тус байгууллагаас өнгөрсөн жил энэ үзүүлэлтийг 3.1 хувь байна хэмээн тэмдэглэсэн байдаг. Харин ирэх жил манай гаригийн өсөлт 3.6 хувьд хүрэх аж.
 
Ж.ЦОГЗОЛМАА
 

 

К.Лагард: Эдийн засаг өсч эхэлсэн ч буруу бодлого үүнийг зогсоож мэднэ
Shuud.mn
сонин хачин
2017 оны 3-р сарын 27, Даваа гараг