Жүжигчин Г.Анхбаяр аав болжээ Кевин Дюрантын зун Ерөнхийлөгч Дорнод аймагт ажиллаж байна Хараагүйчүүд өлсгөлөн зарлахаа мэдэгдлээ МАН нэр дэвшигчээсээ гурван тэрбумын хандив авах уу Хаяг, шошгогүй гүзээлзгэнэ худалдаж авахгүй байхыг анхааруулав Монголд тоглож буй хамгийн үнэтэй ЛЕГИОНЕР Хүүхэд хулгайлсан гэх ташаа мэдээлэл тархжээ МАН-ын бүлэг 17.00 цагт үргэлжлүүлэн хуралдана Лэброн Жэймс түүхэн амжилтын эзэн боллоо Арван саяын гоол Блэйк Грипффин плэй офф-д тоглох боломжгүй боллоо Х.Бадамгэрэл “Хуба хаяа”-аар гэр бүлээ дархлаажуулав Райан Рейнольдс: Дараа төрөлдөө шувуу болохыг хүсч байна О.Баасанхүү талбайд гэр барих зөвшөөрөл хүслээ Асашёорү Д.Дагвадорж тулааны спортыг хөгжүүлнэ Солонгос эмч нар 26 хүнд элэг шилжүүлэн суулгасан Лионель Мессигийн үдэш Нголо Канте Английн хөлбөмбөгийн холбооны шилдэг тоглогчоор тодорлоо 2017 онд 458 мянган га талбайд тариалалт хийнэ
Улаанбаатар
Бэлчээргүй малчид хаачих вэ
2017.4.18

 

Засгийн газраас хэрэгжүүлж буй “Алт 2” хөтөлбөрийн хүрээнд Төв аймгийн Заамар сумын “Төмстэй” багийн нутаг дахь 21000 га газарт уул уурхайн ашиглах лизенц олгох тухай санал Засгийн газрын тогтоолд тусгагджээ.  Үүнийг эсэргүүцэн “Заамар хайрхан” ТББ, нутгийн зөвлөл хамтран мэдээлэл хийлээ.

 

Ашигт малтмалын газраас хоёрдугаар сарын 24-нд Заамар сумын “Төмстэй” багийн “Өвөр наймган”, “Төмстэйн дөрвөлж” нэртэй газарт 21 мянга 169 га газрыг ашигт малтмал хайх, ашиглах зориулалтаар олгох саналыг гаргажээ.  Уг талбайд нийт 90 гаруй мянган толгой мал, 280 өрх, 945 иргэн аж төрдөг  байна. Ашигт малтмалын тусгай зөвшөөрлийг уг талбайд олгосноор эдгээр мал сүрэг бэлчээргүй болж, малчид нутаг заагдах аюулд хүрээд байгааг “Заамар хайрхан” ТББ-ын тэргүүн Д.Янжмаа хэлж байна.

 

Уг 21 мянган га талбайг 2015 онд Төв аймгийн ИТХ, Заамар сумын ИТХ-ын шийдвэрээр газрыг оронд нутгийн тусгай хамгаалалтад авсан аж. Түүхийн дурсгалт газрын алтыг ухах гэж байгаад харамсч буйгаа нутгийн иргэд хэлж байлаа.

 

“Алт 1” хөтөлбөрийг хэрэгжүүлсэн 27 жилийн хугацаанд Заамар суманд үйл ажиллагаа явуулсан компаниуд улсын эрдэнэсийн санд 120 гаруй тонн алт тушаасан ч ард иргэдийн амьдрал, нутаг орны хөгжилд хувь нэмэр оруулаагүй. Уг хөтөлбөрийг хэрэгжүүлсэн “Эрэл” хувьцаат компани, “Алтан Дорнод Монгол”, “Мак” зэрэг компани 20 гаруй жилийн хугацаанд нөхөн сэргээлтийг хангалтгүй хийсэн. Улмаар сумын 40 гаруй мянган га бэлчээрийн талбай ашиглах боломжгүйд хүрч, 20 гаруй гол горхи ширгэсэн. Амьдрах орчин доройтож уурхайнуудын хайгуулын буруутай үйл ажиллагааны улмаас мал, хүн, амьтан дайжиж, араатан шувууд устаж үгүй болсон” гэж “Заамар хайрхан” ТББ-ын Улаанбаатаар дахь нутгийн зөвлөлийн дарга Д.Алимаа ярилаа.

 

 

Ийм байтал Заамар сумын Төмстэй багийн нутаг дахь тусгай хэрэгцээний 21 мянган га газарт уул уурхайн ашиглалтын лиценз олгохоор зэхэж байгаа нь нутгийн иргэдийг доромжилж буй хэрэг гэж үзэж тэд үзжээ.

 

Г.Тэгшсүрэн

Бэлчээргүй малчид хаачих вэ
Shuud.mn
сонин хачин
2017 оны 4-р сарын 24, Даваа гараг