248 дугаар цэцэрлэг нээлтээ хийлээ Гал түймэр унтраах машинуудын сэлбэг хэрэгслийг хүлээлгэн өглөө Буруутай этгээдээр нөхөн сэргээлт хийлгэх хэрэгтэй Хятадын интернэтийн од 62 давхраас унаж, амиа алджээ Гвен Стефани найз залуутайгаа гэрлэхгүй Суданд гэмтсэн Монгол цэрэг эх орондоо иржээ Эрүүл мэндийн дэд сайд БНСУ-д айлчилж байна Аргентиний хамгаалагч асан Габриэл Хайнц клуб дасгалжуулна Пхеньян цөмийн туршилт хийхээр бэлтгэж байна гэв Хан-Уул дүүргийн Онцгой байдлын хэлтэс “Тэргүүний хамт олон”-оор шалгарав Хамгийн их утаатай бүсийн сургууль, цэцэрлэгийг агаар шүүгчээр хангана Австралийн оны шилдэг баг тамирчид тодорлоо Авто худалдааны цогцолборын үйл ажиллагаа хэвийн үргэлжилж байна Засгийн газар хоорондын хөтөлбөрт гарын үсэг зурав Трамп чи эх орноо хамгаалж чадаагүй Үндсэн хуулийн төсөлд иргэдийн саналыг тусгана Эдийн засгийн байнгын хороо хуралдав Газрын тосны үйлдвэрийн ТЭЗҮ 2018 онд бэлэн болно Шилдэг залуу судлаачдад Ерөнхийлөгчийн нэрэмжит шагнал гардуулав Үндсэн хуулийн цэц их суудлаар хуралдана
Улаанбаатар -15°
Ухаалаг систем төрийн үйлчилгээг шуурхай болгоно
2017.4.18

 

Монгол Улсын санхүүгийн гол түнш байгууллагуудын нэг болох Азийн хөгжлийн банк манай улсын зам, тээврийн салбарын хөгжилд хувь нэмэр оруулж, томоохон төсөл хөтөлбөрүүдэд хамтран ажиллаж эхэлжээ.

 

Зам, тээврийн хөгжлийн сайд Д.Ганбат Азийн хөгжлийн банкны төлөөлөгчид болон техникийн туслалцааны төслийн багийн ахлагч нартай өнөөдөр уулзаж, хэрэгжиж буй төслүүдийн талаар харилцан санал солилцлоо. Азийн хөгжлийн банкнаас “Тээврийн ухаалаг систем” төсөл болон “Замын хөдөлгөөний аюулгүй байдлыг сайжруулах” төслийн талаар танилцуулга хийж, цаашид хийж хэрэгжүүлэхээр төлөвлөж буй ажлуудаа сайдад танилцууллаа.

 

Уулзалтын үеэр Монгол Улсын Засгийн Газрын 2016-2020 оны үйл ажиллагааны хөтөлбөрт “Эрэлтэд нийцсэн, хүрээлэн байгаа орчинд ээлтэй тээврийн ухаалаг систем нэвтрүүлнэ” хэмээн тусгасан байдаг талаар сайд Д.Ганбат мэдээлэл өглөө. Тэрээр хот хоорондын нийтийн тээврийн үйлчилгээ үзүүлж буй тээврийн хэрэгслийг GPS-ийн төхөөрөмжөөр хянадаг болсон нь автотээврийн салбарын үйл ажиллагааг цахимжуулах эхлэл болсон талаар онцолж байв. Мөн тээвэрлэлтийг хөнгөвчлөх, хурдасгах, нэмэгдүүлэх,замын хөдөлгөөний аюулгүй байдлыг сайжруулах, бодит тоон мэдээлэл дээр үндэслэсэн тооцоолол гаргахын тулд зам, тээврийн салбарын тоон мэдээллийн санг үүсгэж, шаардлагатай програмыг хөгжүүлэх шаардлагатай байгаа тул уг ажлыг төсөлдөө багтаан хэрэгжүүлэх саналтай байгаагаа илэрхийллээ.

 

Тээврийн салбарт ухаалаг системийг нэвтрүүлснээр төрийн үйлчилгээг шуурхай хүргэх боломж бүрдэж, Монгол Улсын зам, тээврийн салбарын хөгжилд ихээхэн хувь нэмэр оруулна гэдгийг Азийн хөгжлийн банкны төлөөлөгчид хэлж байлаа.

 

НҮБ-ын Ерөнхий Ассамблейгаас 2011-2020 оныг “Замын хөдөлгөөний аюулгүй байдлын жил” болгон зарлаж, Монгол Улсын Засгийн газраас 2012 онд “Замын хөдөлгөөний аюулгүй байдлыг хангах үндэсний стратеги”-ийг батлан хэрэгжүүлж байгаа. Энэ хүрээнд нас барсан хүний тоо 7 хувь, гэмтсэн хүний тоо 9.8 хувь тус тус буурсан үзүүлэлттэй бөгөөд “Замын хөдөлгөөний аюулгүй байдлыг сайжруулах” төслийг хэрэгжүүлснээр ослын тоог илүү бууруулах боломжтой болох юм.

 

Азийн хөгжлийн банкнаас Замын хөдөлгөөний аюулгүй байдалд аудит хийх тогтолцоо бүрдүүлэх, чадварлаг хүний нөөцийг бэлтгэх, автотээврийн хэрэгслийн парк шинэчлэх, баруун талдаа жолооны хүрдтэй автомашины тоог үе шаттай бууруулах зэрэг арга хэмжээг зохион байгуулж эхлээд байгаа аж.

 

Цаашид хоёр талын хамтын ажиллагааг тээврийн салбарт өргөжүүлэн хөгжүүлэхэд санал, санаачилга гаргаж, идэвхийлэн хамтран ажиллахаар боллоо.

Ухаалаг систем төрийн үйлчилгээг шуурхай болгоно
Shuud.mn
сонин хачин
2017 оны 12-р сарын 13, Лхагва гараг