Импортын эрчим хүчийг татвараас чөлөөлөх хуулийн төсөл өргөн барилаа ЗХЖШ-ын удирдлагууд генералууддаа хүндэтгэл үзүүллээ 248 дугаар цэцэрлэг нээлтээ хийлээ Гал түймэр унтраах машинуудын сэлбэг хэрэгслийг хүлээлгэн өглөө Буруутай этгээдээр нөхөн сэргээлт хийлгэх хэрэгтэй Хятадын интернэтийн од 62 давхраас унаж, амиа алджээ Гвен Стефани найз залуутайгаа гэрлэхгүй Суданд гэмтсэн Монгол цэрэг эх орондоо иржээ Эрүүл мэндийн дэд сайд БНСУ-д айлчилж байна Аргентиний хамгаалагч асан Габриэл Хайнц клуб дасгалжуулна Пхеньян цөмийн туршилт хийхээр бэлтгэж байна гэв Хан-Уул дүүргийн Онцгой байдлын хэлтэс “Тэргүүний хамт олон”-оор шалгарав Хамгийн их утаатай бүсийн сургууль, цэцэрлэгийг агаар шүүгчээр хангана Австралийн оны шилдэг баг тамирчид тодорлоо Авто худалдааны цогцолборын үйл ажиллагаа хэвийн үргэлжилж байна Засгийн газар хоорондын хөтөлбөрт гарын үсэг зурав Трамп чи эх орноо хамгаалж чадаагүй Үндсэн хуулийн төсөлд иргэдийн саналыг тусгана Эдийн засгийн байнгын хороо хуралдав Газрын тосны үйлдвэрийн ТЭЗҮ 2018 онд бэлэн болно
Улаанбаатар -15°
Сирийн баатарлаг гэрэл зурагчин
2017.4.19

Сирийн Алеппо хотноо энэ амралтын өдөр террорист халдлага гарч, 128 хүн амиа алдсан билээ.

 

 

Амиа алдагсдын 78 нь бага насны хүүхдүүд байсан юм. Сирийн Засгийн газрын төлөөлөгчид асрамжийн газрын хүүхдүүдийг хотоос гаргахаар нэгдсэн журмаар автобусанд суулгасан байжээ. Автобус хөдлөхийн өмнө Иракийн хэт даврагч “Халифатын вант улс” бүлэглэлийн террористууд автобусны ойролцоо тэсрэх бөмбөг дэлбэлсэн юм. Халдлагын дараа хэргийн газар олон тооны аврагчид болон хэвлэл мэдээллийн хэрэгслийнхэн ирсэн аж. Энэ үеэр нэгэн аппарт зүүсэн эр бага насны хүүхдийг тэврэн гүйж буй зургийг тэнд ажиллаж байсан зурагчид авч чаджээ.

 

Аппарт зүүсэн эр гэрэл зурагчин бөгөөд нэрийг нь Абд Алкадер Хабак гэдэг байна.  Тэрбээр “Халдлага болсон газраас холгүй нэг хүү хэвтэж байсан. Хүү их бэртсэн дээрээс нь ухаан алдсан байсан учир хүүг яаралтай тусламжийн төвд хүргэсэн. Миний бодлоор хүү 6, 7 настай байсан” гэж ярьжээ.

 

Тэгвэл хүүгийн амийг аварсан Сири зурагчны өөр нэг гэрэл зураг “www.dailymail.co.uk” сайтад нийтлэгдсэн байна.  

 

Гэрэл зурагчин хүүг яаралтай тусламжийн төвд хүргэж бөгөөд эргэн хэргийн газар дээр иржээ. Тэрбээр дахин нэг хүүг яаралтай тусламжийн төвд хүргэхээр гүйж байхад харамсалтайгаар хүү амиа алдсан аж. Хүүгийн цогцосны хажууд уйлж буй зураг хэвлэл мэдээллийн хэрэгслээр цацагдсаны дараа тэрбээр “Би хүүг аварч чадаагүй. Би илүү хурдан гүйх ёстой байсан юм” гэж ярьжээ.

 

 

Интернэт хэрэглэгчид гэрэл зурагчинг сэтгэлээр унахгүй байхыг уриалж “Бүү сэтгэлээр унаарай” гэсэн байна.

 

Б.Дэлгэрцэцэг 

Сирийн баатарлаг гэрэл зурагчин
Shuud.mn
сонин хачин
2017 оны 12-р сарын 13, Лхагва гараг