Чингэлтэй дүүрэг 2018 оны төсвөө баталлаа Хар тамхичдыг баривчилжээ Ерөнхийлөгч үндэсний аюулгүй байдлын асуудлаар мэдээлэл хийлээ Төв талбайн сүлд модны гэрлийг асаалаа Болор цом-2017: ИЖИЙДЭЭ НАС ГУЙЖ БИЧСЭН ШҮЛЭГ Улаанбаатарт 13 хэм хүйтэн байна Үйлдвэрийн ажилтнуудыг санаатай хордуулжээ Шүүхийн шилдэг тамгын газруудыг шалгарууллаа УИХ-ын гишүүн Ж.Батзандан, Л.Болд нар нээлттэй сонсгол зохион байгууллаа Энэ сард 43 эмч Япон, БНСУ-д суралцана Жэфф Хорн аваргаа хамгаалж чадлаа АНУ-ын шилдэг хөлбөмбөгчнөөр 19 настай тамирчин тодров Амьтанд ээлтэй иргэд, хамт олон тодорлоо Иргэнээ сонсдоггүй УИХ-ын дарга хэнд үйлчилдэг вэ ШӨХТГ, ГИХГ-ын байцаагч нар хууль зөрчжээ Шилдэг хэсгийн төлөөлөгчийг “УАЗ-469” машинаар шагналаа Путин, Трамп нар Пхеньяны асуудлаар утсаар ярилцжээ “Алтай холдинг групп”-ийг “2017 оны шилдэг компани”-аар шалгарууллаа Никола Димитров Элчин сайд Д.Батсайханыг хүлээн авч уулзав Эрүүл мэндийн даатгалын үндэсний зөвлөлийн даргаар Д.Сарангэрэлийг томиллоо
Улаанбаатар -23°
Арилжааны банкууд эдийн засгаа боомилсон
2017.4.19

Эдийн засгийн байнгын хорооны хуралдаанаар Хөрөнгө оруулалтын банкны тухай хуулийг хэлэлцэх эсэхийг шийдэж байна. Хуулийн төслийг гишүүн Б.Жавхлан танилцуулсны дараагаар гишүүдийн асуултад хариуллаа.

 

УИХ-ын гишүүн Л.Энх-Амгалан:

 

-Энэ хуулийн төслийг дэмжиж байна. Арилжааны банкны салбарт өрсөлдөөн оруулах цаг болсон. Сүүлийн 25 жил үндэсний баялаг бүтээгчид арилжааны банкнуудын ашгийг нэмэгдүүлэхийн төлөө ажилласан. Үндэсний баялаг бүтээгчдэд хямд хүүтэй, урт хугацаатай зээлийг оруулах боломж байгаа. Өнгөрсөн хугацаанд арилжааны банкууд эдийн засгаа боомилсон бодлого явуулсан. Сүүлдээ арилжааны банкууд зээл өгдөг биш хадгаламж татдаг, Засгийн газрын үнэт цаас байршуулдаг газар болоод байна. Тийм учраас Хөрөнгө оруулалтын банк байгуулагдах эрхзүйн үндэс бий болох ёстой. Баялаг бүтээгчдийнхээ бизнесийг худалдаж авдаг процесс амьдрал дээр байна. 20 гаруй жил зүтгэсэн бизнесийг нь арилжааны банкууд зээл татан байгуулж байна. 

 

УИХ-ын гишүүн Н.Чинзориг:

 

-Өнөөдөр үйл ажиллагаа явуулж байгаа 14 банкны дийлэнх нь буюу 8 нь гадаадын хөрөнгө оруулалттай юм байна. Яагаад зээлийн хүү буурахгүй байна вэ. Энэ хуулийг баталснаар Хөгжлийн банкны үйл ажиллагаатай зөрчилдөх үү? Гадаадын хөрөнгө оруулалтын банк заавал төлөөлөгчийн газраа оруулсан байх уу?

 

-Өнөөдөр 14 банкнаас 8 нь гадаадын хөрөнгө оруулалттай. Гэтэл яагаад зээлийн хүү буурахгүй, хууль гаргах шаардлагатай вэ гэж байна. Одоо үйл ажиллагаа явуулж байгаа банкууд зөвхөн дүрмийн санд л мөнгө эзэмших хэлбэрээр орж ирсэн. Түүнээс бус урт хугацаатай хөрөнгийн урсгал орж ирсэн зүйл байхгүй. Тиймээс шинээр хууль батлан гаргаснаар эрхзүйн тогтолцоог нь боловсронгуй болгож, гадаадын хөрөнгө оруулалт татах боломжийг бүрдүүлж байгаа юм.

 

Хөгжлийн банктай  зөрчилдөх асуудал гарна, өрсөлдөөн үүснэ. Хөгжлийн банкны үйл ажиллагааг дэмжиж, эрсдлийг нь бууруулах тал дээр анхаарч ажиллах нь зүйтэй. Нэг жил хүртэлх хугацаанд төлөөлөгчийн газраа байгуулсан бол асуудлыг харгалзаж үзнэ гэдэг нь өнөөдөр үйлчилж байгаа төвбанкны хуулинд байдаг. Учир нь нэг жилийн хугацаанд санхүүгийн асуудлыг нь судлах зорилготой.

 

УИХ-ын гишүүн Ц.Даваасүрэн:

 

-Бизнесийн үйл ажиллагаа явуулах хүмүүс эдийн засгийн сонирхлоо дагаж орж ирнэ. Тиймээс хууль батлагдсанаар ямар эдийн засгийн орчин бүрдэх вэ? ОУВС Монголоор валютын урсгалыг дамжуулахын эсрэг байна гэнэ лээ. Ханш нь өсөөд байгаа валютыг эмчлэхгүй бол валютын сан бидэнд хэрэггүй.

 

-Нэгэнт байж болох валютын урсгал бизнесийн орчин байдаг. Харамсалтай нь Оюутолгой зэрэг гадаадын хөрөнгө оруулалттай компанийн мөнгөний урсгал дандаа гадаад улсаар явахаар заачихсан юм билээ. Тэгэхээр цаашдаа гаднын банк, санхүүгийн институцийг татъя гэвэл хөрөнгө оруулалтын урсгалыг манайхаар дамжуулах хэрэгтэй. Эдийн засгийн идэвхижил саарч, зээлжих зэрэглэл буурсан энэ үед гадаадын хөрөнгө оруулалттай банк шахалдан орж ирэх нь юу л бол. Гэхдээ бид энэ хуулийг баталснаар эрхзүйн  хувьд боломж бүрдлээ гэж гадаадынханд таниулах нь цаг хугацааны хувьд зүйтэй гэж үзэж байгаа юм.

 

УИХ-ын гишүүн З.Нарантуяа:

 

-Энэ хуулийн төслийг дэмжиж байна. Бид гадаадын хөрөнгө оруулалттай банкийг дэмжиж байна уу, хөрөнгө оруулалтын чиглэлээр мэргэшсэн банкийг бий болгох гээд байна уу. Бид хөрөнгө оруулалтаар мэргэшсэн үйл ажиллагаа явуулдаг банкны харилцагч болох замаар хөрөнгө оруулалт орж ирэх юм. Гэтэл өнөөдөр манайд гадаадын хөрөнгө оруулалтай банк байгаа хэрнээ валютын урсгал наашлахгүй байна. Хөрөнгө оруулалтын банк гэдэг бол хөрөнгөө өсгөе, бизнесээ томруулъя гэж байгаа хүмүүст мэргэжлийн зөвлөгөө өгдөг банк юм. 

 

Ийнхүү гишүүд уг хуулийг төслөөр саналаа хэлж, асуулт тавьсан юм. 

Н.Энх

Арилжааны банкууд эдийн засгаа боомилсон
Shuud.mn
сонин хачин
2017 оны 12-р сарын 17, Ням гараг